SEJD apresia atleta atletizmu kontribui medalla lima ba TL

VIII Governu konstitusionál liu husi Sekretaria Estadu Juventude no Desportu (SEJD) apresia atleta atleizmu rua ne’ebé rekolla medalla lima husi kampeonatu atletizmu juveníl sudeste aziátiku 2019.

Apresiasaun hato’o husi diretur diresaun nasionál desportu SEJD, João Rodriques, hafoin simu aprezentasaun medalha lima husi Federasaun Timor de Atleizmu (FTA) ne’ebé hala’o iha Edifisiu SEJD Sionanál Lecidere Díli,  iha Segunda (11/03/19).

Atleta na’in rua ne’ebé rkolla medalla mak hanesan, Roberto Belo Amaral ho Natilva Marçal Trindade no akompanha husi nia treinadóra Odete Belo.

Atleta sira kontribui medalha iha kategoria no klase ne’ebé lahanesan.

Diretór Diresaun Nacionál Desportu Sekretaria Estadu Juventude no Desportu (SEJD), João Rodriques, hateten governu sei konsidera ida ne’e hodi fó apoiu ba atleta sira ho prestasaun iha eventu sira rejionál no internasionál.

“Hau hanoin governu apresia ida ne’e, atleta ne’ebé ho prestasaun diak iha iventu rejionál no internasionál, ida ne’e responsabilidade governu, tanba ne’e husi parte SEJD sei fó apoiu tuir politika diploma ministrerial ne’ebé hatur ona,” hateten Diretór Diresaun Nacionál Desportu, João Rodriques.

Iha fatin hanesan prezidente Federasaun Timor de Atletizmu (FTA) núdar mos prezidente Cobnfederação Desporto Timor-Leste (CDTL), Afranio Xavier Amaral, hateten rezulta atleta sira hetan medalha husi jogus nivel internasionál ne’e tanba preprasaun maxímu.

“Ohin (Segunda 11 fulan Mrsu) ami mai ho ekipa ki’ik ida halo aprezentasaun rezultadu, medalla ne’ebé hetan ona husi eventu iha filipina, hau kontente tenbes e ida ne’e orulho ba estadu Timor-Leste, tanba ne’e husu ba governu atu tau matan ba atleta sira. Hau fiar bo’ot ba governu, katak sei ta matan ba atleta sira,” hateten Prezidente Federasaun Timor de Atletizmu (FTA), Afranio Xavier Amaral.

Antes ne’e ekipa selesaun nacionál husi federasaun Timor de atletizmu mos kontribui ona medalla osan mean, osan mutin, osan metan ba estadu Timor-Leste. Ito