Asosiasaun kultural Kay Rala Sei promove dansa kultura timor iha Brazil

Grupo Assosiasaun Kultural Kay Rala sei promove dansa kultura Timor Leste nian iha Brazil.

Kordenador iha grupo Asosiasaun Kultural kay Rala, Jacinta Da Silva senti orgullu bele lori grupo Assosiasaun Kay Rala promove dansa Kultura nian iha Brazil.

“ Hau sente orgullu tebes ba grupo ne’e hodi bele lidera ba grupo ne’e hodi tuir festival no bele promove kultura timor, dansa tradicional timor nian iha nasaun seluk hanesan Brazil”, Hatete Jacinta Da Silva  ba JNDiario hafoin remata enkontru  ho inan aman sira iha Legendario, Segunda (6/11/2018).

Iha grupo ne’e rasik hamutuk ema nain 25, feto 10 mane 10 tokador nain 5, grupo ne’e harii iha 29 Jullu 2018 atu foti no tane as kultura timor nian.

Grupo Asosiasaun kultural Kay Rala hari iha 29 jullu 2018 ho objetivu atu hamorin kultura timor nian no iha grupo nia laran mesak joven deit atu promove joven sira nia talentu iha área dansa nian.

Iha fatin hanesan Flami Bakhita, membru  dansa, hatete  hakarak hatudu talentu ne’ebe maka nia iha.

“hau sente kontenti tanba bele lori no reprezenta dansa  kultura timor nian ba iha rai liur nomos bele konese ambiente iha ema nia nasaun seluk”, Dehan Joven nee.

Grupo ne’e rasik hetan apoiu orsamentu husi Kay Rala Xanana Gusmao nomos apoiu moral husi Inana aman. Grupo nee desloka ba Brazil iha Tersa (6/11) no sei fila iha 25 fulan ne’e.SIS