MT ameasa sei taka Airport Hotel

Ministru Turizmu, Manuel Vong, ameasa sei taka  Airport Hotel, Rai Kotu tanba  deskonfia   hala’o aktividade prostituisaun.

Alende Airport Hotel,  Chin Ti Hotel  mos  hetan samada atensaun tanba  hatama sasan illegal hanesan serveza Bir Bintang, bajakan  hamutuk kaisa hitu.

“Otel  mak ohin ita vijita liu-liu Erport Hotel, hau hanoin iha tempu badak ita  sei fo medidas, iha pratika prostituisaun mak iha ne’eba laiha  Hotel kona ba pratika prostituisaun,”hateten Manuel Vong ba jornalista sira iha Hotel Novo Turismo, Lecidere,Dili, foin lalais ne’e.

Eis Reitor  Dili Institute of Technology ne’e , afirma, Timor Leste (TL), nu’udar nasaun soberanu tanba ne’e tenki tau aas nia dignidade  nune’e ema seluk  labele sama.

“Ida ne’e labele iha tempu  badak  ita sei fo samda antensaun, se hakarak faan ai faan ai los deit, hakarak faan sasan faan sasan los deit labele halo fali hanesan ne’e , se lae hapara tiha buat sira ne’e,”Ministru ne’e afirma.

Hatan ba ne’e nain ba Hotel refere,   nudar sineja, GMN tenta konfirma maibe lakohi fo komentariu.

Observasaun GMN, durante inspesaun, konsege detekta  hotel balun hanesan  Airport Hotel no Ching Ti Hotel konsege detekta   kondisaun ambiente la saudavel   tanba faan fali sasan  hanesan Pop Mi be’e no seluk tan, entertantu  Hotel Ching Ti Hotel   lokalija iha Audian, konsege detekta , Serveza bajakan  Bir Bintang  dos hitu.Ola