JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ADB PRONTU FÓ EMPRESTA OSAN BA TL HO FUNAN KIIK

ADB PRONTU FÓ EMPRESTA OSAN BA TL HO FUNAN KIIK

Asian Development Bank (ADB) prontu apoia Governu Timor-Leste liu hosi fó empresta osan ho funan kiik husi 1 to’o 2% para bele implementa infra-estrutura bázika ba dezenvolvimentu Timor-Leste nian, inklui apoia mós tékniku, relata Prezidente komisaun E, deputadu Abel Pirez ba jornalista, hafoin sorumutu ho ekipa ADB iha Parlamentu, Kuarta (18/07/2018).

“ Sira-nia dalan atu ajuda Timor-Leste ne’e iha rua, hanesan projetu sira dezenvolvimentu nian, liuhosi fó empresta ho funan ne’ebé ki’ik oan tebes, porvolta 1 to’o 2%, kompara ho ita-nia funan ba fundu pretroleu ne’ebé ita rai iha Amérika ne’e bo’ot liu, entaun mekanizmu ne’e di’ak tebes, tanba ajuda ita, ita-nia osan bele hetan funan bo’ot, tempu hanesan ita uza osan husi ADB nian ho funan ne’ebé kiik oan, sira nia intervensaun ida tan mak ajuda Timor-Leste liuhosi suporta tékniku, ami kontente ho sira intervensaun durante ne’e ajuda mai Timor,”informa deputadu Abel Pirez.

Prezidente komisaun infra-estrutura ne’e mós afirma tan, liuhosi sorumutu entre ADB ho komisaun E ne’e, deputadu sira mós rekomenda ba ADB atu bele tau prioridade liu ba jestaun saneamentu, bee moos no Estrada rural sira.

“Ami sujere mós ba sira, para atu haré area ne’ebé importante, hanesan projetu jestaun lixu iha Dili laran, sira mós iha intervensaun ba ida ne’e, haré katak ida ne’e tenke rezolve lalais, bainhira Dili ne’e atu sai kapital ne’ebé di’ak, segundu konaba transporte, tanba iha semana sira la’o ladun loos, hodi fó impaktu ba ita nia estudante sira, inklui konaba Estrada rural, no bee moos ne’e mak númeru 1, depois mak estrada,”haktuir Deputadu PLP ne’e.

Lee hotu :   Ramos Horta: Sriwijaya Air naok ita arbiru "Tenki kria lalais lei aviasaun"

Alende ne’e, Diretor ADB, Paulo Spantigati, deklara, ADB prontu fó apoiu Timor-Leste, liuhosi projetu ba dezenvolvimentu sira, hanesan Estrada, transporte, bee moos no saneamentu, inklui enerjia no seluktan ne’ebé Timor-Leste presija, no planu hirak ne’e sei implementa, bainhira programa Governu aprova ona.

Paulo Spantigati mós garante, ADB ho Governu Timor-Leste sei kria relasaun ne’eb’e di’ak liutan ba tinan lima mai.

Diretor ADB ne’e mós realsa, implementasaun programa hirak ne’e, hahu nanis ona iha munisipiu Manatuto no Oe-kusse, inklui sei hala’o mós iha Baukau, Vikeke, Lospalos, Manufahi no Dili, no sei kontinua tan bainhira Governu Timor-Leste presija nafatin.

Enkuantu, Asian Development Bank (ADB) fó ona asistensia dezenvolvimentu ba nasaun Timor-Leste hosi tinan 1999 no aprova ona emprestimu hamutuk 15 no subvensaun sira total millaun US $ 342,77 no asistensia téknika 49 ho total millaun US $ 42,03 ida ne’e inklui hasa’e prestasaun servisu, diversifika ekonomia, no apoia mós Timor-Leste nia integrasaun iha Ázia.Say

Add to Comments Here!!!!

error: Content is protected.
Secured By miniOrange
You might also like:
TRABALHADOR INSPRI SECURITY HALO GREVE

Trabalhador Inspri Security hamutuk nain 26,...

PROGRAMA MTK SEI SEGREDU

VIII Governu Konstitusional ne’ebe lidera husi...

KAZU BOBY, KOMJER PNTL: IMI JORNALISTA RONA JENERAL LERE KA LAE

Kazu asidente tráfegu ne’ebé involve Boby,...

Close