JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Osan ZEESM lakon millaun US$20, Alkatiri: “Sira nia avo mak lori tiha osan ne’e”

Osan ZEESM lakon millaun US$20, Alkatiri: “Sira nia avo mak lori tiha osan ne’e”

Prezidente Autoridade Rejiaun Administrativa Especial Oecusse-Ambeno no Zona Ekonomia Especial Social Merkadu Timor-Leste (RAEOA no ZEESM-TL),  Mari Alkatiri, desmente total akuzasaun balun ne’ebe espalha katak osan ZEESM nian ho montante millaun US$20 lakon.

“Sira dehan osan lakon. Se lakon, entaun sira nia avo maka lori tiha osan ne’e karik,” afirma Mari Alkatiri, ba jornalista sira iha Aeroportu Oecusse, Kinta (23/8/2018).

Alkatiri fundamenta tan, desde projetu ZEESM la’o to’o ohin loron nein duit metan ida mak lakon. Maske nune’e, Alkatiri mos esklarese katak, iha prosesu pagamentu ne’e mak tenke iha rekomendasaun hadia buat ruma.

Kona-ba aivuan ne’ebe sosa ba ZEESM ne’e segundu maun, Alkatiri afirma katak, nia hanoin aviaun ne’e terseira maun karik.  Tanba ne’e nia husu atu lalika politiza sasan sira ne’e hodi prezodika malu.

Alkatiri mos esklarese katak, auditório ne’ebe Tribunal das Contas halo ba RAEOA no ZEESM ne’e ba tinan 2014 no 2015 ne’ebe foin hahu prosesu administrasaun.

“Auditoria ne’e tinan 2014 no 2015 foin hahu prosesu atu monta administrasaun, hau hare ema hot-hotu konsentra auditoria mai Oecusse, auditoria ba ministériu seluk sira lakoalia, tanba tinan 15 gasta osan barak kualidade iha ne’ebe,  auditoria ne’e primeiru seis meses iha tinan 2015 ida ne’ebe katak tenke prepara Oecusse atu halo 500 anos chegadas das Portugueses, tanba ne’e maka iha ajudikasaun as vezes dereta ba empreza sira halo fiskalizasaun, tanba hakarak obra ida iha kualidade tenke iha fiskalizasaun diak,” hateten Alkatiri.

Nia dehan tan, dadaun ne’e auditoria hotu ona no tribunal de contas fo fulan nen (6) para sira nia rekomendasaun ZEESM atu  responde.

Lee hotu :   Governu sei halo dekretu Governu ba ezekusaun OJE

Prezidenti Autoridade RAEOA ne’e mos husu ba povu Atoni atu labele monu ba lia bosok no  povu atoni tenke brani atu simu dezenvolvimentu ne’ebe mai ho kontenti.

“Uluk ema tur iha Dili hanoin  dehan munisipiu 12 deit, Oecusse sira haluha tiha, agora lae, Oecusse maka sai sentru fali, tanbasa, tanba dezenvolvimentu,” hateten Mari Alkatiri.

Tuir dokumentus balun ne’ebe viral iha media social facebook katak, mosu iregularidades barak relasiona ho projetu iha RAEOA-ZEESM.

Dokumentus relatoriu Tribunal das Contas nian ne’ebe divulga iha rede social indika ireguladirade mak hanesan projetu sosa aivaun foun ho presu insiadu US$6.500.000,00  maibe sosa fali avuan segundu maun.

Nota importante balun ne’ebe halo ema lubun duvidas tuir rezultadu auditoria mak sosa USB ho kapasidade GB 16 (3) ho folin US$1.600, kadeira VIP  6  ho folin US$300.000, Maka foti ema moras 2 ho folin US$200.000 plus osan lakon millaun US$20. mia

Add to Comments Here!!!!

error: Content is protected.
Secured By miniOrange
You might also like:
PM Taur: Laiha razaun substitui kandidatu membru governu nain 9

Primeiru Ministru (PM), Taur Matan Ruak,...

Mundu ho Tétun GMNTV 18 Agostu 2018

Jornal Semanário GMNTV Edisaun 19 Agostu 2018

Close