JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Florêncio Sanches: Clarence Lim deside fa’an Kmanek

Florêncio Sanches: Clarence Lim deside fa’an Kmanek

Diretór Ezekutivu Servisu Rejistu no Verifikasaun Emprezarial Instituto Publiku (SERVE.IP), Florêncio Sanches, hatete, Clarence Lim, deside fa’an ninia empreza  Kmanek ba investidór seluk.

Florêncio Sanches koalia lia hirak ne’e ba JNSemanário, Sesta-feira ne’e hafoin ekontru ho nain ba empreza Kmanek Clarence Lim.

Diretór Ezekutivo SERVE.IP hateten, nia parte enkontru  dala rua ona, ne’ebé iha solusaun katak, empreza Kmanek deside fa’an empreza, tanba laiha ona osan atu kontinua aktividade negosiu.

“Empreza kmanek mai hasoru ami ona, hasoru malu ne’e ba dala rua ona, nia mai hato’o lalaok ne’ebé nia infrenta agora, tanba kompañia tipu Unipessoal signifika ema ida deit maka nain ne’ebé bele hasai desizaun, ne’ebé nia iha opsaun rua katak taka ou transfere, ne’ebé hau dehan ba nia atu taka Governu laiha poder atu interefere, maibe hau dehan se taka maka kompañia labele la’o ona ne’ebé riku soin ne’ebé iha atu organiza oinsa, ne’ebé nia husu fali mai hau katak entaun atu halo oinsa, nune’e mos se taka ema barak maka sofre li-liu agrikultore sira ne’ebé durante fornese modo no mos sasan seluk mos sofre”, hateten Diretur Ezekutivo SERVE.IP.

Diretur SERVE.IP sujere ba empreza nain katak labele taka, maibe transfere deit, tanba lei sociedade comercial no rejistu comercial fo dalan atu transfere kompañia ba fali nain seluk.

Ho sujetaun SERVE.IP nian ne’e, ikus mai konvense duni nain ba empreza Kmanek, Clarence Lim hodi deside sei transfere deit kompañia ba ema seluk liu husi fa’an, no dadaun ne’e iha ona entidade negosio nain 5 maka iha interesse hodi sosa.

“Investidor sira ne’e balu mai husi rai liur no balu iha laran, maibe nia (nain empreza) prefere liu empresário rai laran, tanba nia kleur ona hela iha Timor no fo servisu besik 300 no koñese diak ona timoroan sira”,dehan Diretór.

Lee hotu :   PM Taur orienta GASS halo selesaun ba proposta ONG ho rigorozu

 Diretor Ezekutivo SERVE.IP fo ona sujestaun atu rezolve hamutuk ho Autoridade Portuaria no Autoridade Aduaneira nune’e bele rezolve lalais no prosesa ona tranferensia empreza nune’e bele kontribui ba dezenvolvimentu ekonomia rai laran.

Maske iha ona investidor nain 5 atu sosa empreza Kmanek, maibe seidauk bele publika, tanba konsidera sei konfidensial.

Antes ne’e, Nain empreza Kmanek, Clarence Lim, hateten, empreza Kmanek sofre financeira, no duados Kmanek nian mos retira ona kredito, nunee afeita ba ninia negosiu. Maske infrenta krize finanseiru maibe Empreza Kmanek fo ona kompensasaun ba funsionáriu sira. Mia

Add to Comments Here!!!!

error: Content is protected.
Secured By miniOrange
You might also like:
Kargu Xefia Sekretariadu Jerál PN simu pose

Sorry, this entry is only available...

Atividade jogu hatama reseita ba Estadu millaun USD 4

Durante tinan 2018 Inspeção Geral dos...

JICA halo promosaun ba foos u’ut ho variasaun

Japan International Cooperation Agency (JICA) iha...

Close