KM aprova komisaun interministerial ba reforma fiskal no jestaun FP

Konsellu Ministru  aprova rezolusaun Governu konaba kriasaun komisaun interministerial ba reforma fiskal no jestaun finansas públika (FP). Rezolusaun ne’e apresenta husi Ministra Finansas Interina, Sara Lobo Brites.

“Rezolusaun Governu konaba kriasaun komisaun interministerial ba reforma fiskal no jestaun finansas públika ne’e ohin aprezenta husi Ministra Finansas Interina Sara Lobo Brites, nune’e ohin (horseik-red) Konsellu Ministru aprova tiha ona atu fo dalan no promesa politika foun ba programa reforma fiskal no jestaun finansas públikas ne’ebé hahú iha Sestu Governu Konstitusional”, dehan  Ministro Presidência do Conselho de Ministros  Agio  Pereira, ba Jornalista sira iha Palasiu Governu Kuarta (27/03).

Ministro Presidência do Conselho de Ministros,  Agio Pereira, hatete kriasaun ba komisaun interministerial ne’e atu fo dalan no promesa politika foun ba programa reforma fiskal no jestaun finansas públikas ne’ebé hahú iha Sestu Governu Konstitusional.

Komisaun Interministerial nee atu  reforsa papel no envolvimentu husi membru Governu ho responsabilidade ho objeitvu to’o tinan 2023 sei elabora parte signifikativa husi lejislasaun ne’ebé presiza iha materia ne’e.

Komisaun nee sei lidera husi Primeiru Ministru Taur Matan Ruak, ne’ebé servisu hamutuk ho ministeriu ne’ebé iha responsavel ba area finansas, kordenasaun asuntu ekonomiku, reforma legislative, administrasaun ESTATAL, planeamentu investimentu estratejiku, Petroleu no Minerais.tos