GOVERNU DESIDE AUMENTA ORSAMENTU AUDISIONÁL MILLAUN USD 3.7 BA MS

Liu husi reuniaun  aprezentasaun ba  komisaun Komité Revizaun Orsamentu Polítika tinan 2020, Governu deside aumenta orsamentu audisionál ho montante Millaun USD 3.7 ba Ministériu Saúde (MS).

Proposta Orsamentu audisionál ne’ebé konsidera husi komisaun Komité Revizaun Orsamentu Polítika tinan 2020 ne’e, ministériu saúde sei utiliza hodi hola kareta multi funsaun 11, no ambulansia 11 hodi distribui ba Munisípiu sira ne’ebé seidauk iha.

Alende hola kareta ambulansia no kareta multi funsaun, ministériu mós sei hola ekipamentus ba iha Hospital sira, liu-liu ba kama ba pasiente.

Ministru Saúde Interinu Bonifácio Maucoli dos Reis hato’o asuntu ne’e, hafoin aprezenta orsamentu jerál Estadu tinan 2020, ba komisaun Komité Revizaun Orsamentu iha Ministériu Finansas Aitarak Laran Díli,Tersa (10/09).

“Ministériu Saúde ohin mai aprezenta orsamentu ba komisaun Komité Revizaun Orsamentu Polítika,  liu-liu orsamentu ba pakote fiskál tinan 2020 USD 47.5 millões ne’ebé kompostu husi saláriu vensimentu,bens estar, kapital menor orsamentu la tau, kapital dezenvolvimentu tau USD 30 mill ba hodi harii fatin hakmatek iha sentru saúde 6 ba ema sira ne’ebé ho violasaun doméstika por kada sentru saúde USD 5 mill no mós alokasaun ba transferensia publika. Ita iha proposta ba orsamentu audisionál USD 3.7 millões para hodi hola tan kompras ba ambulansia no multi funsaun 11, ita tau USD 1.4 millões no orsamentu sira seluk ita atu hola ba ekipamentus médikus no ekipamentus non medikus hanesan, ita haree iha hospitais federál sira, no sentru saúde internamentu sira  agora dadaun kuaze kama sira mós balun at ona, liu-liu ba iha lensol,sumasu no foroñas aat hotu ona, nune’e presiza tau orsamentu”, relata Bonifácio Maucoli dos Reis.

Iha tinan 2020, Ministériu Saúde prevé Orsamentu Jerál Estadu  millaun hat nulu resin hitu, ne’ebé kompostu husi saláriu vensimentu, bens estar , kapital dezenvolvimentu, la inklui kapital menor, tanba iha tinan oin ministériu la tau osan.tos