JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fundu petrolíferu sa’e ba biliaun USD 17,69

Fundu petrolíferu sa’e ba biliaun USD 17,69

Relatóriu Banco Central de Timor-Leste (BCTL), hatudu, fundu petrolíferu nian, ne’ebé termina iha fulan dezembru 2019, sa’e ba billiaun USD 17,69.

Kompara ho Trimestre sira dahuluk, ne’ebé ho montante billiaun USD 17,55.

Lia hirak ne’e, hato’o husi, Vise Governador Banco Central Timor-Leste, Venancio Alves, liu husi konfrensia ba imprensa, Segunda (03/02/2020), iha aprezentasaun relatoriu Banco Central de Timor-Leste (BCTL).

Vise Governador Banco Central Timor-Leste, Venancio Alves akresenta katak, total reseitas ne’ebé simu iha trimestre ne’e, hamutuk millaun USD 156,82 ne’ebé kompostu husi kontribuisaun sira ba fundu petrolíferu hamutuk millaun USD 70,09 no pagamentu (royality) simu husi Autoridade Nasionál Petróleu (ANP), hamutuk millaun USD 86,72.

Venancio Alves hatutan liutan, rendimentu ba karteira fundu nian, durante trimestre ne’e hamutuk porsentu 3,05%, enkuantu rendimentu sasukat nian ba periodu ne’e hamutuk porsentu 3,07%.

“Kapital fundu iha fim dezembru 2019 ne’e Biliaun USD 17,69. Osan  ne’ebé tama durante trimestre ne’e husi taxa (royal) millaun USD 156.82, osan ne’ebé mak sai durante trimestre ne’e hamutuk Millaun USD 552.48, kompostu husi Millaun USD 549 transferensia ba orsamentu Estadu Millaun USD 3.48, ne’e hatudu rendimentu ne’e mak 3,05% kompara ho rendimentu referensia mak 3,07%”, dehan, Vise Governador BCTL, Venancio Alves, hato’o asuntu ne’e ba jornalista sira liu husi konferensia ba imprensa, iha edifísiu Banco Central Timor Leste, Akait, Segunda (03/02/2020).

Venancio informa, iha seremonia lansamentu ba dala 3 ne’ebé hotu iha Setembru, 2019, hamutuk Millaun USD 17,55 no taxa ne’ebé mak tama hamutuk Millaun USD 166,70.

No osan ne’ebé sai durante trimestre ne’e nian, hamutuk Millaun USD 203, 24 no osan ne’e kompostu husi tranferensia Millaun USD 200 ba Orsamentu Jeral Estadu (OJE), no kobre kustu hamutuk Millaun 3,2. Ina

Lee hotu :   Ministru Manuel Vong asina kontratu loke kasino, PM Alkatiri suspende kontratu

Add to Comments Here!!!!

error: Content is protected.
Secured By miniOrange
You might also like:
Lere: Lú Olo ho Taur rai lai kargu PR ho PM iha gaveta tun ba hasoru Xanana

Xefe Estadu Maior Jenerál Falintil-Forsa Defeza...

Lere : Governu tenke rekoñese GAM nu’udár atividade desportiva

Relasiona ho konflitu entre Grupu eis...

PN kontinua halo fiskalizasaun ba projetu sira

Maske Orsamentu Jeral Estadu (OJE) tinan...

Close