JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR promulga dekretu lei apoia empreza no traballadór

PR promulga dekretu lei apoia empreza no traballadór

Prezidente Repúblika (PR), Francisco Guterres “Lú Olo”, promulga dekretu lei númeru 28/2020 apoiu rekuperasaun ekonómika ba empreza no mós traballadór sira ne’ebé hala’o servisu iha instituisaun privada iha ámbitu surtu COVID-19.

Informasaun ne’e GMN asesu iha Kuarta (14/10), liu husi komunikadu imprensa ne’ebé fó sai husi Palásiu Prezidensiál.

Rezolusaun Governu Númeru 28/2020 aprova husi Konsellu Ministru (KM), iha Kuarta (19/08) liu ba kona-bá medida kurtu prazu ba mitigasaun impaktu husi krize ekonómika, ho nune’e kria apoiu nesesáriu ba rekuperasaun ekonómika.

Apoiu refere, sei oferese mensalmente ba entidade empregadór sira durante fulan haat ne’ebé hahú husi fulan Novembru, tinan 2020 to’o Fevereiru, tinan 2021, hafoin diploma refere tama em vigór.

Apoiu ne’e, sei fó ba empreza inklui traballadór sira ne’ebé servisu iha instituisaun privadu, maibé la inklui traballadór sira ne’ebé servisu iha instituisaun públiku.

Razaun Governu, liu husi Ministériu Koordenadór Asuntu Ekonómiku, implementa dekretu lei refere hodi apoiu empreza liu-liu traballadór sira, ne’ebé mak nafatin halo servisu iha situasaun surtu COVID-19, inklui ba ema sira ne’ebé lakon sira-nia atividade negósiu no mós reseita.

Governu implementa medida apoiu ne’e hodi hala’o no mantein atividade ekonómika iha ámbitu planu rekuperasaun ekonómika.

Traballadór sira ne’ebé sei hetan apoiu ne’e bainhira rejista ona iha Institutu Nasionál Seguransa Sosiál no tama ona iha sistema fiskál, hanesan dispensa parsiál ba kontribuisaun kada fulan ba seguransa sosiál.

Xefe Estadu simu diploma ne’e iha Tersa (06/10), hafoin aprova husi KM iha Kuarta (16/09) liu ba no apoiu ne’e sei ba direta konta bankária kada traballadór doméstiku. Ina

Lee hotu :   SEAKLN orienta ekipa haree rezultadu kréditu veteranu sira

Add to Comments Here!!!!

error: Content is protected.
Secured By miniOrange
You might also like:
Lere: Pistola ba PCIC Governu tenke kontrola

Xefe Estadu Maior Jenerál FALINTIL-Forsa Defeza...

Fidelis rejeita fó informasaun ba karta rezignasaun MF

Ministru Prezidénsia Konsellu Ministru (MPKM), Fidelis...

GMN ho BNU estende akordu ba publisidade

Jestór Jerál Grupo Media Nacional (GMN),...

Close