JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEAKLN orienta ekipa haree rezultadu kréditu veteranu sira

SEAKLN orienta ekipa haree rezultadu kréditu veteranu sira

Sekretáriu Estadu Asuntu Kombatente Libertasaun Nasionál (SEAKLN), Gil da Costa ‘Oan Soru’, sei orienta ekipa hodi haree tuir rezultadu husi kréditu ne’ebé veteranu sira foti ona iha banku.

Oan Soru hateten, hahú husi fulan Abril, tinan ne’e, to’o fulan Setembru, númeru veteranu ne’ebé halo ona kréditu hodi sai benefisiáriu ba programa Governu hamutuk 1000 resin.

“Sei iha ekipa hodi tuir ba haree no fó hanoin katak osan ne’ebé kreditu loos duni hodi halo uma ka lae para haree, ne’e melloramentu vida família uma laran nian no selu-seluk tan”, SEAKLN ne’e ba GMN iha salaun Parokial Same Villa, munisípiu Manufahi, Kinta (15-10-2020).

Nune’e mós atividade sosializasaun ho tópiku levantamentu dadus tuir uma-lisan, dekretu lei semitériu espesiál, inklui fundu investimentu ba veteranu sira ne’e remata ho susesu no hetan partisipasaun kuaze pursentu 75.

Oan Soru apela ba veteranu sira atu koopera no kontribui ba dezenvolvimentu nasionál no estabilidade nasaun, tanba liafuan kombatente libertasaun nasionál ne’e responsabilidade la’ós apelidu.

Prezidente Konsellu Kombatente Libertasaun Nasionál (KKLN), Vidal de Jesus ‘Riak Leman’, husu ba veteranu sira tenke hamutuk no hanoin ida de’it, hodi rezolve problema veteranu sira nian.

“Uluk dehan ita namkari ne’e mak harii Konsellu Nasionál, harii Konsellu Munisipál no Ministériu Veteranu para atu halibur malu no rona malu, ita harii tiha imi namkari hela, halo nusa mak bele rezolve problema barak”, tenik nia.

Veteranu munisípiu Manufahi, Elias Timan, ne’ebé sai benefisiáriu ba sistema kreditu ne’e agradese ba Governu, tanba bele iha polítika ida, hodi hadia sira-nia moris, tanba konsidera pensaun ne’ebé simu la sufisiente. Kreditu ne’e foti hodi halo uma no negósiu ruma hodi husik hela ba oan no bei-oan sira katak kuda hela ba futuru.

Veteranu munisípiu Manufahi, Alexandrino Sarmento mós sente kontente ho sistema kreditu ne’ebé Governu prepara ona, tanba importante liu mak hakarak oan sira eskola, para laiha servisu mós nia bele hatene dezenvolvimentu nasaun nian.

Sistema kréditu ne’e rasik hanesan servisu kooperassaun ne’ebé Governu halo ho Banco Nacional Comérçio Timor-Leste (BNCTL), hodi fasilita veteranu sira kreditu ho montante orsamentu USD 1.000 to’o USD 21.000.

Entretantu tuir dadus SEAKLN númeru veteranu ne’ebé liu ona verifikasaun dadus hodi simu pensaun iha munisípiu Manufahi, hamutuk 1000 resin.

Oan Soru: Veteranu tenke hakerek istória hodi valoriza-an

Sekretáriu Estadu Asuntu Kombatente Libertasaun Nasionál (SEAKLN), Gil da Costa ‘Oan Soru’, husu ba veteranu sira tenke valoriza sira nia-an liu husi hahú hakerek istória loloos no respeita loron nasionál nasaun nian.

“Istória ne’e ita ko’alia kona-bá valorizasaun la’’os ko’alia kona-bá istória iha rate, hakoi iha ne’ebé de’it la’ós problema, maibé nia istória mós tenke iha, istória labele inventa pontu ou virgulla ida, ita inan-aman sira mak la eskola, maibé prepara fatin hodi konserva ita-nia istória, ema ko’alia kona-bá konservasaun istória ne’e konserva iha livru, rejistu iha baze dadus ne’e la’ós istória, nia partisipa tinan 3 dehan 3, labele inventa, funu tinan 24, maibé la’ós ita hotu 24 anus, sé lae ita-nia oan rasik la hatene”, SEAKLN ne’e iha postu administrativu Turiscai, munisípiu Manufahi, Segunda (12-10-2020).

Vise Sekretáriu Zona Turiscai, Felisberto Nunes, konsidera ida ne’e hanesan atensaun ba veteranu sira, nune’e antes husik hela moris ne’e, bele rai hela ba oan sira.

Prezidente Konsellu Kombatente Libertasaun Nasionál (KKLN), Vidal de Jesus ‘Riak Leman’, husu ba veteranu sira atu labele lori polítika, hodi fahe sira-nia unidade.

“Imi hamutuk no imi iha unidade, maibé depois de funu hotu rona istória barak, polítika tama iha leet fahe malu tiha, Turiscai mosu problema ne’e, funu halo ita halibur malu, veteranu barak sei halerik, nune’e se ita la hamutuk mak sei hanesan ne’e nafatin”, afirma Riak Leman.

Entretantu tuir dadus husi Sekretaria Zona Turiscai númeru veteranu ne’ebé halo ona verifikasaun dadus hamutuk 400 resin, maibé iha veteranu 50 mak seidauk bele kompleta verifikasaun, tanba problema ho dadus. ida

Lee hotu :   Xanana esplika dada kadoras mina mai Timor iha Abu Dhabi

Add to Comments Here!!!!

error: Content is protected.
Secured By miniOrange
You might also like:
Xanana: TL manan funu la’ós ho kilat de’it, maibé ho partisipasaun povu

Eis komandante em Xefe FALINTIL, Kay...

PN ho MS diskute stock out ai-moruk iha HNGV

Parlamentu Nasionál (PN) liu hosi komisaun F...

Rede internet implika Timor-Leste adere ba ASEAN

Ministra Negósiu Estranjeiru no Kooperasaun (MNEK),...

Close