JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KONTINUASAUN KAZU SEAK, ISABEL HASAI OSAN ESTADU SELU OAN MANE HO FETO FOUN BA KOREIA

KONTINUASAUN KAZU SEAK, ISABEL HASAI OSAN ESTADU SELU OAN MANE HO FETO FOUN BA KOREIA

Tribunal Distrital Dili (TDD) iha Sesta (20/7/18) kontinua halao julgamentu ba eis Sekretaria Estadu Arte no Kultura (SEAK) Isabel Ximenes ne’ebe diskunfia komete krime pekulatu artigu 295, krime administrasaun neglijente artigu 275 no krime abuzu poder artigu 297 husi kodigu penal Timor-Leste.

Iha kontinuasaun julgamentu ne’e, sasin Sonia Fatima Pereira deklara bainhira sira ba Koreia ba tuir aktividade espozisaun nian derepenti Ligia hanesan arguida Isabel nia oan mane Greogio nia namorada mos ba hotu, maibe nia laos funsionariu iha komisaria ba espozisaun.

Iha ikus sira nain walu atu ba Koreia ba aktividade Estadu nian, maibe sira nain 6 la ba, arguida Isabel hatama fali Olandina hanesan cleaner iha SEAK nia naran, maibe Olandina la ba, arguida haruka fali nia oan Gregorio ho Antonio mak ba.

Sasin Sonia rasik iha tinan 2012 to’o tinan 2013 hanesan arguida Isabel nia asistente inklui staf finansas iha komisariadu, maibe kuandu Isabel asumi kargu hanesan SEAK, Sonia hetan kontratu hanesan media officer iha gabinete arguida nian.

Sonia hatutan hanesan asistente nia bain bain ajuda arguida hanesan komisariu hodi prepara kontratu, lori karta ba mai inklui nia mos hanesan finansas hodi halo peticash, maibe kona ba osan direta arguida mak kaer, nia so prepara deit karta.

Tuir nia hatene, durante servisu ba aktividade espozisaun ne’e osan hotu tama iha konta bankaria privadu arguida nian no nia rasik mak jere.

Sasin Sonia mos aranka hotu ba Koreia kona ba aktividade espozisaun, maibe durante servisu sira nia staf naran Ligia la iha, maibe kuandu nia pasa boking tiket iha ajensia ne’ebe lista ne’e fo husi arguida, nia hetan naran Ligia nian ne’ebe hanesan arguida nia oan mane nia namorada.

Lee hotu :   Rekursu Prokuradór Domingos iha hela prosesu

No Ligia mos ho sasin Sonia sira aranka ba Koreia no ajuda sira iha paviliun Timor-Leste nian iha espozisaun Koreia.

Kona ba kareta ne’ebe diskunfia arguida sosa hodi uza ba plat privadu nia parte la iha kunhesementu, tanba antes nia hetan kontratu hodi servisu iha komisariadu kareta refere iha ona, maibe tuir nia hatene hafoin arguida asumi kargu hanesan SEAK, kareta refere xefi gabinete komisariadu nian mak uza ho plat privadu.

Sasin mos informa kona ba arguida nia oan mane Gregoria ba Koreia ne’e, tau Olandina nia naran ne’ebe dasa foer iha edifisu SEAK, maibe realidade Olandina inklui sira nain 6 la ba hotu, arguida nia oan Gregoriao ho Antonio mak ba.

Iha momentu ne’eba, sira nain 8 ne’e simu hotu ona osan viagem hamutuk US$1987 no Olandina nia osan sasin Sonia intrega ba arguida Isabel, maibe ikus mai Olandina rekere fali ba Sonia katak, nia osan la simu to’o agora.

Kuandu sasin ba rekere ba arguida Isabel katak, sira la ba ona ne’e oinsa ho osan viagem ne’ebe sira hetan ona ne’e, maibe arguida hatan katak, osan ne’e sira nia ona la presija intrega.

Ikus mai liu husi auditoriu detekta katak, iha erru ba viagem ne’e liu liu kona ba osan, sasin Sonia ho nia kolega Francisca intrega fali osan sira ne’e liu husi Ministeriu Públiku.

Antes ne’e tuir akuzsaun husi Ministeriu Públiku  katak, arguida Isabel deskonfia uza osan ne’e sosa kareta ho marka Hyundai, ne’ebe uza plat privadu no para deit iha nia uma.

Kareta ne’e mos sosa halo ajudikasaun direta sein liu husi tenderizasaun, depoisa arguida mos transfere tan osan ho US$22,755.00 (montante dolar amerikanu rihun rua nulu resin rua atus hitu lima nulu) ba nia konta bankaria no to’o agora osan ne’e sei nafatin iha arguida nia konta bankaria.

Lee hotu :   Mateus Fernandes: membru UEP ténki hatudu jagoan iha rai liur

Alende ne’e arguida mos hatama nia oan Gregorio nia naran ba ekipa atu aranka ba Koreia, maibe realidade Gregorio simu tiha osan la ba Koreia. Iha ema nain hat ne’ebe mak hetan tiha MOP atu aranka ba Koreia maibe la ba, maibe arguida la husu fila fali osan ne’ebe sira hetan ona.

Ho arguida nia hahalok sira ne’e fo prejuiju ba Estadu ho valor dólar amerikanu US$68,442 (rihun nen nulu resin ualu, atus hat hat nulu resin rua), nune’e Ministeriu Públiku akuza arguida ba krime pekulatu artigu 295, krime administrasaun neglijente artigu 275 no krime abuzu poder artigu 297 husi kodigu penal Timor-Leste.

Ministeriu Públiku mos husu ba tribunal atu arguida selu indeminizasaun ba Estadu ho valor US$57,268.19 (dolar amerikanu rihun lima nulu resin hitu, atus rua nen nulu resin ualu sentavus sanulu resin sia).

Audenia julgamentu ne’e prejidi husi juiz koletivu, Francisca Martins, José Maria de Araújo ho Maria Solana, Ministeriu Públiku reprezenta husi prokurador Jacinto Babo, arguida hetan asistensia legal husi defense públiku Rui Guterres.nia

Add to Comments Here!!!!

error: Content is protected.
Secured By miniOrange
You might also like:
KOMANDU UPF PRENDE MINA ILEGAL 2,770

Komandante Oe-cusse, Superintendente Arnaldo Araujo informa...

LERE HATO’O ONA NARAN BRIGJEN BA GOVERNU

Xefe Estadu Maior FALINTIL Forsa Defeza...

JOGU AMIZADE, EMBAIXADA AUSTRALIA VS GMN EMPATA 2-2

Grupo Media Nacional-GMN ho Embaixada Australia,...

Close