JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN Arão Noe fó pose ba komisáriu CAC ■PN sei fó apoiu kombate KKN

PPN Arão Noe fó pose ba komisáriu CAC ■PN sei fó apoiu kombate KKN

Prezidenti Parlamentu Nasional (PN), Arão Noe hateten, hamutuk ho Comissão Anti-Corrupção (CAC), PN sei haka’as-án ho kbi’it tomak hodi fó apoiu polítika atu kombate korupsaun iha Timor-Leste.

“Atu luta kontra korupsaun, tenki la’o hamutuk ho konsiensia maka’as no hametin prinsipiu interese koletivu importante liu, do que individualismo ou interese privadu ninian, tanba razaun ida ne’e, maka atu kombate hasoru Korupsaun, Koluzaun no Nepotizmu (KKN), ne’e tenki envolve debate kona-bá interese públiku demokrasia, sidadania, direitu no ema nia dignidade”, Xefi Órgaun Lejislativu ne’e iha ninia diskursu bainhira fó pose ba Sergio Hornay, sai komisáriu CAC, iha PN, Segunda (21-01-2019).

Nia esplika, razaun PN sei apoiu polítika atu kombate KKN ne’e, tanba PM maka órgaun ida ne’ebé hala’o debate ho maneira ne’ebé séria, onestu no do’ok husi tendénsia populistas.

“Ha’u tenki refere katak, prosesu hili Komisáriu CAC foun ne’e, ho prosesu ne’ebé kle’ur, maibé hatudu dinamizmu no kapasidade diálogu entre partidu sira ne’ebé apoiu Governu ho opozisaun”, hateten Arão Noe.

Nia akresenta, espiritu haburas no promove diálogu, la’o hamutuk no tau interese nasaun ne’e maka tenki tau ás liu, ba setór fundamentu ne’ebé projeta nasaun nia soberania.

Husi sorin seluk, komisáriu CAC, Sergio Hornay, promete, kna’ar ne’ebé nia simu ho responsabilidade no dezafiu, maibé sei ka’er metin kna’ar ne’ebé maka hatu’ur ona iha CAC, katak dezenvolve instituisaun refere sai rigór.

“Maibé sei halo parseria ho instituisaun Estadu tomak atu kombate KKN, ha’u sei kontinua servisu ho rigór, tanba responsabilidade ne’ebé fó mai ha’u tuir vizaun no misaun CAC ninian, halo investigasaun kriminalidade nu’udar prinsipiu CAC, hanesan buka forma estratéziku atu dezenvolve foti asaun iha prevensaun KKN, Hau sei halo esforsu hodi hatete zero tolerância ba iha korupsaun liu husi funsaun prinsipál tolu ne’ebé atribui ba CAC”, haktuir Sergio Hornay. ety

Lee hotu :   PNTL sei hamos lema artes marsiais

Add to Comments Here!!!!

error: Content is protected.
Secured By miniOrange
You might also like:
JORNÁL ÁS 12,Loron-20 Fulan-Janeiru Tinan-2019

JORNAL NACIONAL GMNTV Loron-19 Fulan-Janeiru Tinan-2019

JORNÁL ÁS 12,Loron-19 Fulan-Janeiru Tinan-2019

Close