vMJ sei desentraliza emisaun pasaporte ba munisípiu Baucau

Ministeriu Justisa (MJ) sei hahú implementa politika desentraliza servisu ministeriu nian ba munisipiu Baucau konaba emisaun pasaporte,produsaun sertidaun obitu, no kontratu arrendamentu rai nian.

Ministru Justisa Manuel Cárceres da Costa hato’o lia hirak nee hafoin hasoru malu ho Primeiru Ministru iha Palasiu Governu, Segunda-feira nee.

Governante nee esplika katak tuir politika Governasaun dala Ualu sei sentraliza tan servisu ministeriu nian ba munisipiu Baucau no sira seluk ,liu liu produsaun sertidaun RDTL, emisaun pasaporte, sertisaun obitu no kontratu arrendamentu rai hodi fó atendementu diak liu tan ba sidadaun.

“Oe-cusse halo pasaporte no Maliana mós halo ,ita hanoin tok ba iha Baucau no hau hanoin ba munisipiu hotu para ema labele mai trata ona pasaporte iha Dili”, hatete Ministru Justisa.

Ministru Justisa nee dehan,orsa ne’e desentraliza ona servisu ,liu-liu diresaun notariadu no terras propriedade ba munisipiu Bobonaro no Rejiaun Administrativu Espesial Oe-cusse Ambeno hodi evita konsentrasaun servisu iha nivel nasionál.

Servisu notariadu nia kna’ar mak atu fo arrendamentu ba sidadaun relasaun ho trata pasaporte ,sertidaun RDTL no sertidaun obitu, enkuantu diresaun terras no propriedade atu halo kontrata ba arrendamentu rai Estadu no edifisiu Estadu sira.

Ministru Justisa , mos informa ba Primeiru Ministru Taur Matan Ruak,  konaba rejultadu ezekusaun OJE tinan fiskal 2019 iha MJ ne’ebé atinji ona 17%. tos