JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei haruka advogadu ba Repúblika Indonézia

Governu sei haruka advogadu ba Repúblika Indonézia

Governu Timor-Leste promete sei haruka advogadu Timor-oan ba Republik Indonesia (RI), hodi defende kazál na’in rua (2) ne’ebé Polisi Republik Indonesia (POLRI) detein iha sela polísia Atambua-Belu-Indonézia, maibé depende mós ba autoridade jurídika RI.

“Ita tenki kontinua akompaña, ita nia sidadaun hodi fó ita nia apoiu moral ba sidadaun ou kazál na’in 2 ne’e, bele infrenta justisa, ita buka meius atu ko’alia ho Indonesia, nune’e ita bele suporta advogadu husi ne’eba no advogadu Timor-Oan hodi defende sidadaun na’in 2 ne’e, tanba lei ne’ebé aplika ba kazál na’in 2 ne’e aplika lei husi Indonezia, aktu ne’ebé ita nia tribunal hasa’i ba autór prinsipal ba kazu refere sei iha Díli”, Ministru Justisa (MJ), Manuel Carcéres ba jornalista sira, iha Palaçio do Governo, Díli, Kuarta (26-06-2019).

Nia esplika, maske kazál na’in 2 ne’e detein hela iha sela polisia Atambua-Indonezia, Governu bele azuda hodi fó akonselamentu legal ho advogadu RI, sé bainhira autoridade judisiáriu Indonezia hatán Governu haruka advogadu Timor-Oan ba halo defeza ba kazál na’in 2 ne’e.

“Ita seidauk halo extradisaun ho nasaun ida, ita nia problema ne’e ita hanoin to’ok oinsa mak ita bele akordu extradisaun sira ne’e no iha akordu mútuo ida, sé sira nia ema halo krimi ne’e bele estradita ba sira nia rai no ita nia ema mak halo fali krimi mós bele estradita mai Timor-Leste hodi tuir prosesu julgamentu”, haktuir Governante ne’e.

Entretantu Kazál na’in 2 ne’ebé detein iha sela Atambua-Belu-Indonesia, tanba deskonfia hatama droga, iha loron 29, fulan Maiu, tinan ne’e, ho tipu extasi musan 4.874 husi Timor-Leste, ba Atambua Indonézia liu husi liña fronteira Mota-Ain.

Lee hotu :   Deskonfia hatama droga, PNTL detein Timor-oan ida

Droga hirak ne’e detekta husi X-RAY servisu Alfândega Nusa Tengara Timur (NTT),  iha fronteira Mota-Ain.

Antes ne’e mós Komandante Jerál Polísia Nasional Timor-Leste (PNTL), Komisáriu Faustino da Costa hateten, sidadaun Timor-Oan 2 ne’e sei tuir prosesu investigasaun iha NTT-Indonézia, tanba Estadu rai 2 ne’e seidauk iha akordu extradisaun. Ety

Add to Comments Here!!!!

error: Content is protected.
Secured By miniOrange
You might also like:
Xefi Estadu na’in 10 sei partisipa komemorasaun loron konsulta popular

Vise Xefe Estadu Maior Jenerál Forsa...

Timor-Leste organiza konferénsia insternasionál oinsa jere rekursus naturais

Timor-Leste (TL) sai uma nain hodi...

Portugal-TL asina PEC iha Lisboa ho montante euro millaun 70

Portugal no Timor-Leste (TL), Tersa (25/6/19),...

Close