JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Parlamentu Nasionál konsidera seidauk tempu jerasaun foun lidera F-FDTL ■Prefere estende mandatu Lere

Parlamentu Nasionál konsidera seidauk tempu jerasaun foun lidera F-FDTL ■Prefere estende mandatu Lere

Membru Parlamentu Nasionál (PN) fo hanoin katak, seidauk iha lideransa jerasaun foun ne’ebé mak bele troka Xefe Estadu Maior F-FDTL Majór General, Lere Anan Timor, nune’e prefere jerasaun foun tenke estuda barak husi líder jerasaun tuan, tanba ne’e PN prefere estende mandatu Lere.

Segundu vise prezidente komisaun B Parlamentu Nasionál trata ba asuntu defeza no seguransa nasionál i núdar mos veteranus kombatente libertasaun nasionál, deputadu Cornélio da Conceição Gama ‘L-7’, deklara asuntu ne’e iha parlamento nasional, Kuarta (26/06/2019).

“Ha’u lakohi para Lere atu sai husi kargu Xefe Estadu Majór Generál, antes nia (Lere Anan Timur) atu sai, ami husi reziaun um, dois, tres no kuatru tenke iha reuniaun hodi iha hanoin no liafuan ida mak nia (Lere) bele sai, sé mak atu troka Lere, traidór ka ema lakohi ukun án mak atu troka karik ne’e ami la konkorda. Kona-bá foinsa’e ka lider jerasaun foun ne’e seidauk bele, tamba hanesan dadauk no durante ne’e ita akompaña, ema foinsa’e mak tuku malu, oho malu, ema lori narkotika tama mai, iha mos isu tentativa kilat ilegal tama mai, maibe ami fó fiar ba jerasaun foun, mais tempu mak seidauk to’o”, afirma guerilheiru deputadu, Cornélio da Conceição Gama ‘L-7’.

Iha sorin seluk vise xefe bankada partidu FRETILIN, deputadu Francisco Branco mos prefere mantein lideransa Majór Generál Lere Anan Timur iha instituisaun F-FDTL hanesan lider ne’ebe ho figura rejistensia.

“Ha’u hanoin katak figura ne’ebe bele konsensual, ba interese Estadu nian, ba seguransa no defeza Estadu Timor-Leste, i figura veteranu ida ne’ebe hotu-hotu konfia, i ida ne’e figura mais indikadu”, dehan deputadu Francisco Branco.

Lee hotu :   Membru UPF ameasa povu ho pistola

Prezidente da Republika Francisco Guteres Lú Olo dekreta kontinuidade mandatu ba Majór Jenerál Lere Anan Timur liu hosi dekretu prezidensial ne’ebe publika iha 14 fulan Juñu ne’e, seri I, númeru 23 A, hahú sura husi loron 6 fulan Outobru 2018.

Tuir komunikadu imprensa ne’ebe GMN asesu husi media prezidensia da repúblika iha kuarta ne’e haktuir iha reuniaun konselhu superior defeza no seguransa, membru sira inklui primeiru ministru Taur Matan Ruak fó fiar ba Prezidente da Republika desidi.

Nune’e Prezidente da Repúblika ezersisiu korrente mandatu xefe estadu Majór Generál no ba interese unidade militár estadu no funsionamentu regular instituisaun militár modernizasaun no dezenvolvementu institusionál nian dekreta kontinua mandatu.

Apresia desizaun PR ba mandatu Lere

Iha okaziaun ne’e Veteranu Ativu Iha Forsa Armada No Atual, Vise Xefe Estadu Maior Jenerál Forsa Armda, Falur Rate Laek mós, apresia desizaun polítika ba kontinuidade mandatu Xefe Estadu Maior Jenerál F-FDTL, Major Jenerál Lere Anan Timur ne’e desizaun polítika, tanba ne’e nia parte laiha objesaun.

Nune’e mós nia parte ho Prezidente Repúblika koalia asuntu ne’e durante iha enkontru.

“Ne’e depende desizaun, labele dehan ha’u mak hateten. Ba ha’u ne’e normal. I Ami na’in rua foin dadaun ne’e ami koalia ida ne’e. Ha’u nia pontu de vista tudo depende ba desizaun Governu. Ami ne’e ezekutivu. Maibé liu-liu ami mós aborda konaba, nomeiasaun ba komandante komponente sira, para depois ami halo transferensia responsabildiade, para nune’e ami bele hala’o atividade operasionais ho di’ak. Tanba kuandu ema hotu tur kleur iiha fatin ida, bele monu iha sala ida, proque autoritáriu no rutina de aktus. Ne’ebé lor-loron kuandu nia hahalok la muda ne’e labele. Ne’ebé buat ne’e ema padroniza tiha ona, tinan-tinan, rihun ba rihun ona, ne’ebé ita halo tuir ida ne’e. Ne’e iha ita nia esperensia no istória mai mós, ne’e tama. Tanba ne’e mak ohin ha’u aborda kestaun nomeiasaun komandante komponente sira ba Prezidente Repúblika”, dehan Falur Rate Laek.ito/ixo

Add to Comments Here!!!!

error: Content is protected.
Secured By miniOrange
You might also like:
Governu sei haruka advogadu ba Repúblika Indonézia

Governu Timor-Leste promete sei haruka advogadu...

Xefi Estadu na’in 10 sei partisipa komemorasaun loron konsulta popular

Vise Xefe Estadu Maior Jenerál Forsa...

Timor-Leste organiza konferénsia insternasionál oinsa jere rekursus naturais

Timor-Leste (TL) sai uma nain hodi...

Close