KAPITAUN FRAGATA JOÃO DA SILVA LIDERA FALI KOMPONENTE NAVAL

Kapitaun  Fragata João da  Silva, hetan konfiansa husi komando FALINTIL-Forsa Defeza Timor-Leste (F-FDTL), hodi  troka  Komandante Komponente Naval sesante kapitaun  fragata  Adão Brito.

Tanba ne’e,  Komando  F-FDTL iha  Tersa  (10/09/19) ne’e halo transferénsia do komando  da  Forsa Naval Ligeira  ba Komandante sesante kapitaun  fragata  Adão Brito, hodi nomeia  fila-fali  Kapitaun  Fragata João da  Silva,  hodi kontinua lidera Komponente Naval F-FDTL durante tinan rua, hahú iha tinan 2019 no  to’o tinan 2022.

Seremonia  ne’e hala’o iha Kuartel Komponente Naval Hera ne’ebé mak asiste dereitamente husi konvidadu sira.

Reprezentante Xefe Estadu Maior Jeneral Forsa Armadas Brigadeiro Jeneral Falur  Rate Laek, kongrtatula Kapitaun fragata João da  Silva.   No husu komandante  foun ne’e atu uza didiak ninia kompeténsia hodi fó atensaun espesial no konsiderasaun bazika hanesan manutensaun no disiplina iha sikumtansias hotu hodi garante membru F-FDTL nia disiplina  iha públiku nia matan.

Disiplina mak fatór importante tebes atu atraí povu Timor oan tomak  hodi kontribui ba estabilidade  no garante interese nasionál.

“Alíende disiplina, hanesan Komandante komponente ténki iha rajoins iha komando hotu-hotu atu nune’e garante sarjentu ofisiais no prasa sira informadu nafatin hodi kumpri tarefas  ne’ebé mak atribui ba sira husi loron ba loron no  evita failansu no problemas, liu-liu iha fim de semana no lisensa para feria sira  ”,esplika Brigadeiro Jeneral Falur  Rate Laek, liu husi diskursu  iha Kuartel Komponente Naval Hera.

Nia kontinua dehan, atuasaun ida ne’e ténki hala’o nafatin tantu iha baze nune’e sira ne’ebé mak kolokadu iha fronteira  mesmu iha fatin seluk.

Alíende ne’e Komandante Fragata Kapitaun  Fragata João da  Silva, senti priviléjiu hodi asumi kargu Komandante Komponente Naval.

“Ha’u agradese ba Komando F-FDTL  ne’ebé mak fó fiar ba ha’u dala ida tan hodi asumi kargu importante ida ne’e. Ho komando nia konfiansa ha’u sei hala’o ha’u nia kna’ar tuir estatutu forsa armadas, regulamentu disiplinar  no diretiva seluk mai husi komando”,dehan João da  Silva.

Nune’e  ba  Komandante sesante Adão Brito, Komando F-FDTL  muda fali   ba  iha Kuartel Jeneral F-FDTL, hafoin komanda Komponente Naval durante tinan rua ho balun.avi