JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konfrontu iha Aimutin, rezulta ema ida mate no nain rua kanek ■ Polísia detein ona suspeitu nain haat

Konfrontu iha Aimutin, rezulta ema ida mate no nain rua kanek ■ Polísia detein ona suspeitu nain haat

Joven ida mate ho naran, Ivon da Silva, eskola iha Ensinu Sekundáriu Nobel da Paz husi Munisípiu Ainaro, no nain rua kanek todan, hafoin konfrontasaun entre grupu deskoñesidu ne’ebé deskonfia husi grupu Kolimau 2000 iha Aimutin, Dilí.

Tuir testamuña, ne’ebé hanesan vendedora iha merkadu Aimutin, Brígida Inés, hatete, sira sente hakfodak tanba derpenti deit mosu konfrontu entre joven sira, ne’ebé halo sira sente pániku no trauma.

“Ha’u la hatene ida tanba ha’u faan hela modo no atende hela ema sosa modo, derepente deit joven sira halai husi parte leten tun mai no husi kraik halai sa’e mai, hasoru malu hodi hakilar tuda malu to’o ikus ema ida mate,”afirma vendedora Aimutin ne’e ba jornalista sira segunda (23/09/2019) iha Aimutin Dilí.

Nune’e mos, Xefe Aldeia Postu Penal, hateten, nia parte la hatene lolos movitu husi konfrontu ne’e tanba laiha fatin akontesimentu, maibé depois husu informasaun ba populasaun mak sira informa fali, dehan joven sira ataka malu hodi rezulta ema ida mate no nain rua kanek.

“Ha’u la hatene ema ida mate ne’e, tanba ne’e so investigasaun deit mak bele hatene, ha’u hatene ha’u-nia populasaun, entaun atu hatene matebian ne’ebé mate, ida ne’e so investigasaun mak foin bele hatene matebian ne’e mai husi ne’ebé, tanba ha’u nia populasaun lor-loron fila liman iha fatin ne’e hodi buka osan, ne’ebé ha’u fiar ha’u nia populasaun la envolve iha konfrontu refere,”dehan Martinho Gomes.

“Ha’u la hatene motivu husi konfrontu ne’e, tanba ha’u ba tuir hela enkontru iha Suku Komoro konaba servisu Konsellu Polisiamentu Komunitária (KPK) ha’u rona fali informasaun husi komunidade”,

Lee hotu :   FM husu PNTL atu kontrola fugetis

Autoridade lokal ne’e subliña, joven rua ne’ebé kanek parte polísia lori ona ba hodi hala’o tratamentu, maibé karik sei iha tan kanek sira seluk,tanba ami seidauk hetan informasaun klaru konaba nain hira mak kanek, no informasaun iha mak kanek nain rua ne’ebé iha estudante husi Universidade da Paz (UNPAZ) ho naran Mario Ricardo no ida seluk Professor.

Detein suspeitu nain haat

Konfrontasaun ne’e akontese kuaze tuku 10 OTL. Tuir informasaun husi polísia katak, husi konfrontu refere, polísia detein ona suspeitu nain haat, no oras ne’e Polísia Militar ho Polísia Nasional Timor-Leste fo seguransa maka’as ba fatin refere atu nune’e negósiante sira bele kontinua fa’an sira-nia sasán.

Suspeitu sira ne’e ekipa konjunta PNTL detein, mais ou menus iha tuku 19:00 OTL, tanba deskonfia involve iha kazu omísidiu ne’ebé akontese iha Segunda dader ne’ebé rezulta joven mane ida mate fatin no rua seluk hetan kanek todan.

Suspeitu sira ne’e, kontinua detein iha sela Polisia Eskuadra Dom Aleixo, hodi submete ba prosesu investigasaun.Fel

Add to Comments Here!!!!

error: Content is protected.
Secured By miniOrange
You might also like:
Dia 24/09/2019 || GMNTV LIVE STREAM || DADER KMANEK

Dia 23/08/2019 || GMNTV LIVE STREAM || DADER KMANEK

Dia 23/09/2019 || GMNTV LIVE STREAM || JORNAL NASIONAL KALAN

Close