JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Membru Polísia ameasa atu oho membru KPK

Membru Polísia ameasa atu oho membru KPK

Aniceto da Costa  núdar vitíma membru Konsellu Polísiamentu Komunitária (KPK), Suku Bebonuk, hetan  amesa  ho liafuan  oho  husi membru Polísia  ida.

Kazu  ne’e akontese iha loron 9 fulan Setembru tinan  ne’e mais ou menus tuku 08 kalan oras Timor-Leste, iha Bebonuk área besik tasi ibun.

Aniceto da Costa haktuir kronlojia akontesimentu ne’e katak, antes kazu  ne’e akontese nia simu informasaun husi abitante ida dehan,   ema hemu lanu iha área tasi ibun hodi taka estrada hodi impede  sirkulasaun viaturas. Tan ne’e  nia aranka kedas ba  iha fatin akontesimentu hodi hateten hela ba membru Polísia ne’e  katak,  sé mak hemu lanu ba toba ona.

“Entaun membru PNTL  ne’e halo kedas reasaun hodi losu  ha’u nia xavi motor, hodi hasai liafuan dehan o mak jagoan iha ne’e, ha’u hatan ha’u la jagoan, ha’u hala’o servisu, ita boot haree ha’u KPK ou lae, membru Polísia ne’e hatan dehan ha’u koñese ita boot ida,  entaun nia dehan haree fó o nia motor mai, depois nia tuku ha’u. Liu tiha minutu balun, membru Polísia sira mai lori tia ha’u nia motor ba tiha iha Polísia  nian. La kleur Polísia  sira mai fali buka ha’u iha uma  hodi husu ha’u nia foto ameasa ha’u nia ferik oan, sira dehan buatamak ne’e hetan ita ténki oho tiha, ha’u dehan ha’u la’os ema kriminozu”,esplika Aniceto da Costa, iha sede Suku Bebonuk, Sesta (13/09/19)   kalan.

Nia dehan,  KPK  ne’e forma husi Komando PNTL, tuir lolos  ne’e  membru Polísia labele  halo fali agresaun fizika hasoru membru KPK.  bainhira sala ruma buka atu rezolve, la’os lori ba baku fali iha Kuartel  Polísia.

Lee hotu :   Konfrontu iha Mascarinhas, Janela eskola UNDIL nian rahun inklui uma abitante ida

“Tan ne’e halo ha’u senti ladun kontente.  Tanba ami hotu-hotu laran metin ba sira, wainhira akontese problema ruma imi KPK iha ami Polísia nia kotuk, maibe   agora mosu oin seluk fali”,dehan  Aniceto da Costa.

Nune’e mós Costa Oliveira  nudar abitante  husi Suku Bebonuk, lamenta  deklarasaun  Diretór Ezekuti  Fundasaun Mahein João Almeida foin lalais,  ne’ebé mak hateten membru KPK  iha Suku  Bebonuk balun eis  grupu artemarsiais mak involve iha KPK.

“Ami bele hateten katak, ne’e lalos. Fundasaun Mahein  hare’e didiak ami nia oin mak koalia, ami sira ne’e la’os  elementu Eurico Guterres no João Tavares.  Ami la’os ema otonomista, ami  ema rezistensia, ema terus nain, ami la halo traisaun ba ami nia rain, ami hala’o seguransa para ami nia komunidade iha Suku ne’e hakmatek. Tanba ami hakarak ami nia Suku Bebonuk sai fali izemplu ba Suku sira seluk-seluk. Tanba ne’e ha’u atu dehan ba Fundasaun Mahein kuandu bainhira koalia  sukat”,dehan Costa Oliveira .

 Membro Polisia Unidade Patrolhamentu Fronteira no membru ne’ebé  komete kazu refere dadauk ne’e hetan ona suspensaun fulan tolu.avi

Add to Comments Here!!!!

error: Content is protected.
Secured By miniOrange
You might also like:
AJAR kritika Xanana Gusmão

Diretór Asia Justice And Right (AJAR),...

Uma-kain 1237 sei asesu Solar Panel

Ministériu Obras Públikas asina akordu ho ...

TL-RI sei hakotu disputa fronteira iha Oecusse

Ministru Negósiu Estranjeiru no Kooperasaun (MNEK),...

Close