JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kaer kuñada nia isin, JM ameasadu prizaun tinan 4

Kaer kuñada nia isin, JM ameasadu prizaun tinan 4

Liu husi alegasaun final Ministériu Públiku (MP) solisita ba tribunal kolektivu atu aplika pena prizaun tinan haat (4) efetivu ba arguidu ho inisial JM, tanba komete krimi koasaun sexual, tuir lei ne’ebé previstu iha artigu 171, husi kódigu penal Timor-Leste.

Iha alegasaun ne’e, MP observa katak, arguidu konfesa faktu sein rezerva, tanba haree ba iha modura penal, krimi ne’e ninia kastigu husi tinan 2 to’o tinan 8, maibé MP tetu sirkunstansia husi faktu ne’ebé iha, ikus mai solisita ba iha tribunal kolektivu pena prizaun efetivu tinan 4.

Enkuantu husi parte defeza solisita ba iha tribunal atu aplika pena ne’ebé adekuadu no pena suspensaun, tanba arguidu foin primera vez mai iha tribunal no arepende ba ninia hahalok, no mós problema refere rezolve ona entre kultura, arguidu fó sala tiha ba lezada, tanba ne’e, defeza husu tribunal atu tetu di-diak sirkunstansia sira antes foti desizaun ikus.

Rona tiha husi parte rua, tribunal adia fali julgamentu ba fali loron 22, fulan ne’e, hodi rona leitura akordaun.

Tuir akuzasaun MP ne’ebé aprezenta ba tribunal lee sai, lezada hanesan arguidu nia kuñada hela hamutuk iha uma ida, iha loron 15, fulan Janeiru, tinan 2019, iha Bebonuk, lezada toba iha kuartu-laran, maibé la savi odamatan.

Iha momentu ne’ebá arguidu tama ba kuartu laran hodi kaer lezada nia fu’uk no lolo liman kaer lezada nia isin, lezada hakfodak no hakilar, maibé arguidu dehan o bulak ka, nune’e lezada mós dehan ba arguidu katak, ninia apa fila, nia sei kesar.

Nune’e bainhira lezada nia família fila mai, lezada kesar no atu rezolve família, maibé arguidu lakohi, tanba ne’e lezada ba hato’o keixa. Tanba arguidu nia intensaun atu halo relasaun ho lezada, maibé lezada rekuza.

Lee hotu :   Lere: Hatun prosesu disiplinar ba membru F-FDTL komete kazu tiru iha Maliana

Konsekuensia husi arguidu nia hahalok ne’e, halo lezada senti moe no ta’uk, nune’e MP konsidera arguidu hanesan autor material ba krimi koasaun sexual, ne’ebé previstu iha artigu 171, husi kódigu penal Timor-Leste.

Audénsia ba julgamentu ne’e prezidi husi juíz kolektivu, Edite Palmira no Ivan Suritay, juíz estajiada, Patricia de Fátima, MP reprezenta husi prokurador, Matias Soares no arguidu hetan asisténsia legal husi defensora públika, Marcia Sarmento. mya

Add to Comments Here!!!!

error: Content is protected.
Secured By miniOrange
You might also like:
Reitór UNDIL lamenta ho asaun estraga fasilidade universidade nian

Reitór Universidade Díli (UNDIL), José Agostinho...

Komité 12 Novembru husu PDN hamamuk sede iha Kaikoli

Prezidente Kómite 12  Novembru, Gregorio Saldanha,...

Governu abertura ona verifikasaun dadus Veteranus

Combatentes da Libertação Nacional, Gil da...

Close