JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL sei la tolera ema ne’ebé impede atividade Golgota Mall

PNTL sei la tolera ema ne’ebé impede atividade Golgota Mall

Komando Polísia Munisípiu Díli,  sei la tolera sé de’it mak impede   aktividade negosiante  iha Golgota Mall, Suku Komoro, Postu Administrativu Don Alexo.  

Golgota Mall ne’e, Governu inaugura tiha ona iha Kinta (10/09/19), hodi  fó oportunidade ba  negosiante sira husi Kampung Alor atu fa’an roupa maibé, joven sira iha  Aldeia Golgota Suku Komoro, sei halo impedimentu ba ema sira  ne’ebé mak husi bairo seluk   ba servisu iha Golgota Mall ne’e.

 “Ita  núdar  sidadaun ténki kontribui ba dezenvolvimentu, ne’ebé  ita la tolera sé de’it mak  atu halo impedementu ba kualker investimentu no dezenvlvimentu  ne’ebé mak governu hala’o”,esplika Komandante      PNTL Munisípiu Díli, Superintendente Xefe, Armando Monteiro, ba  jornalista sira iha Golgota Mall.

Alénde  ne’e, Komandante Operasional Nasionál PNTL, Superintendente Xefe, Pedro Belo hatete, PNTL  sei la  halo seguransa direta, tanba iha seguransa privadu ne’ebé mak  destaka ona  hodi fó seguransa iha Golgota Mall.

Tan ne’e, PNTL  halo de’it koordenasaun komunikasaun, baihira mosu problema ruma,  PNTL sei tu’un hodi  atua.

“Ita hatene Polísia labele fó seguransa ba iha mall ida ne’e maibé, Polísia nia seguransa ne’e ba jerál, ema  hotu ba komunidade tomak.Tanba  ne’e seguransa privadu  ne’ebé mak kontrata ona  husi kompañia sira mak ténki tau matan didiak”,dehan  Pedro Belo.

Governu inaugura Golgota  Malll

Iha seremonia inaugurasaun Golgota Mall ne’e, Governu liu husi Ministru Koordenador ba Asuntu Ekonómiku Interinu, Fidelis Magalhães husu ba negosiante sira atu halo kontribuisaun liu husi selu taxa ba Estadu.

“Ita hotu tenki servisu makas, tanba atu dezenvolve ekonomia iha nasaun ida ne’e, presiza halo aprosimasaun integrada,  no dalan ida mak presiza kontribuisaun husi setór hotu, nune’e bele alkansa objetivu komum ne’ebé governu iha, ne’eduni Timor-Leste prontu atu apoiu nafatin ba atividades negósiu no fó oportunidade ba investor sira atu mai investe iha ita-nia rai, nune’e bele hetan resitas no mós ekonomia rai laran bele la’o ho diak”, katak Fidelis.

Lee hotu :   Somotxo: Treinamentu militar balun sekretu

Alende ne’e, Konsultor Golgota Mall, Mimi Chungue promete sei jere no organiza fatin negósiu ne’e atu kada negosiante bele hetan kuartu ida ho sala rua, nune’e bele hala’o atividade negósiu, ao mesmu tempu quartu ne’e bele uza ba solat  ka orasaun, tanba ne’e kada fulan sei selu taxa dolar amerikanu atus lima hodi kontribui ba dezenvolvimentu ekonomia TL.

Nune’e mós eis diplomata, José Ramos Horta konsidera, fatin mall ne’e tuir duni padraun negósiu nian, tanba iha nia fasilidades kompletu ho estandar internasional, tanba ne’e husu ba negosiante sira atu utiliza fatin ne’e ho diak.

Entretantu, Golgota Mall hetan bensaun husi Padre Kapelaun Nelinho Soares, O. Carmo.

Partisipa iha seremonia inagurasaun Golgota Mall ne’e, membru VIII governu Autoridade Lokal iha Suku Comoro no entidades sira seluk.avi/aba

Add to Comments Here!!!!

error: Content is protected.
Secured By miniOrange
You might also like:
Responsável Klandestina 170 tuir juramentu iha jadim herois Metinaro

Kuaze responsável Klandestina 170, Sesta (11/10),...

Dia 10/10/2019 || GMNTV LIVE STREAM || JORNAL AS 12

Dia 10/10/2019 || GMNTV LIVE STREAM || DADER KMANEK

Close