KAK sei kria lei kontrola emprezáriu kaer projetu laiha kualidade

Komisaun Anti Korupsaun (KAK) sei kria lei hodi kontrola emprezáriu   ne’ebé mak  kaer projetu laiha kualidade.

“Karik kompañia sira halo ponte ruma mak laiha kualidade,  seidauk to’o nia prazu  wainhira hetan estragus, entaun ida ne’e  husi ne’e bele responsabilide, tanba  sira nia supervizaun sira nia teknik sira iha, estudu viabilidade  ladun diak, entaun fó nia risku ba projetu konstrusaun no  fó prezuiju ba Estadu”,esplika Komisariu KAK, Sergio Hornai, ba  jornalista sira Segunda (09/12//19)   hafoin komemora loron mundial anti korupsaun iha salaun enkontru Ministériu Solidaridade Sosial Inkluzaun, Caicoli.

Sergio Hornai dehan, lei  korupsaun ne’ebé mak sei iha hela Parlamentu Nasional ne’e aban bairua mai  atu reforsa liu tan.

  “Ita nia ordenamentu  jurídiku kódigu penal  karik iha lei balun, artigu balun  seidauk iha, purizemplu ita koalia kona-ba frau de konstrusaun  karik seidauk esperesa klaramente  ita-nia kódigu penal  presiza  iha lei kona-bá ida ne’e”,dehan Sergio Hornai.

Nia dehan, reponsabilidade kriminalidade  pesoa, koletivu  ba emprezáriu sira, aban bairua ténki simu responsabilidade  karik sira halo aktu ne’ebé mak ligasaun ho kontratu  halo ho setór públiku ho   governu mak sira la kumpri sira nia dever,  halo buat sira ne’ebé laiha kualidade, entaun simu responsabilidade ne’e ba iha ema de’it, maibé responsabilidade instituisionalmente.avi