JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM la tolera ema sivíl baku membru F-FDTL ■Lere: PM tenke sai lalenok ba forsa hotu

PM la tolera ema sivíl baku membru F-FDTL ■Lere: PM tenke sai lalenok ba forsa hotu

Komandante Unidade Polísia Militar Majór Abel da Costa Xavier  “Niki” iha tinan  2020 ne’e lori ba oin sei la tolera tan  ema sivíl baku membru FALINTIL Forsa defeza Timor-Leste (F-FDTL).

Abel da Costa Xavier hateten, nia  senti tristi, tanba  iha nasaun ne’e  ema sivíl  sempre   tula hela de’it  liman no ta’a kanek  membru F-FDTL no  PNTL  balun,  wainhira hala’o servisu iha terenu.

Ho akontesiementu hirak ne’e ba oin, Polísia Militar ho PNTL munisípiu Díli sempre ba atua hodi  detein iha sela detensaun, maibé  kazu sira kontinua akontese. Ohin  kaptura  hodi hatama iha sela aban husik fali.

 “2020 ba oin sé-sé de’it mak tau liman ba forsa, ami hato’o ona ba sua exelénsia Majór  Jenerál, ami la presiza mandadu kapturasaun, ami buka ó to’o abut. Ó subar iha ne’ebé, ami buka kaer ó”,esplika Komandante Unidade Polísia Militar Majór Abel da Costa Xavier  “Niki” liu husi diskursu  Sesta (17/01/20) iha aniversáriu Polísia Militar ba dala 15 iha Kintal Bo’ot Díli.

Antes ne’e mós akontese kazu tentativa iha bairu uma Mean Merkadu Karantina Aldeia Terra Santa, Suku Madohi Postu Administrátivu Dom Aleixo,  joven ida tá kanek membru F-FDTL ida.

Lere bandu PM ba halimar iha Atambua

Xefe  Estadu  Maior Jenerál FALINTIL –Forsa Defeza Timor-Leste (F-FDTL) Majór Jenerál Lere Anan Timur,  bandu  membru Unidade Polísia Militar (PM)  ne’ebé mak hala’o kna’ar iha fronteira tama ba iha Atambua, Indonézia.

“Iha fronteira hanesan uluk-uluk, agora akontese ka la akontese, mas uluk seguransa iha Timor kalan ba toba iha Atambua, ida ne’e la serve imi mak hanesan ne’e diak liu imi ba uma, lalika faz parte  ba instituisaun ida ne’e”, esplika Xefe  Estadu  Maior Jenerál FALINTIL –Forsa Defeza Timor-Leste (F-FDTL) Majór Jenerál Lere Anan Timur, (17/01/20)  liu husi diskursu Sesta  aniversáriu Polísia Militar iha Kintal Bo’ot Díli.

Lee hotu :   Forsa Rezerva PNTL Díli baku membru RENETIL

Lere dehan, seguransa ne’e importante liu iha fronteira.

“Hanesan bain-bain ita dehan  ita mak lutu, ita mak sai fali  fahi, karau hodi estraga fali  toos ne’e, entaun lalika”,dehan Lere.

Tamba ne’e Lere husu ba ofisial, sarjentu, prasa hala’o didiak imi nia kna’ar núdar lutu ba nasaun  nian.

“Ha’u koalia bebeik  kuandu instituisaun militar ne’e hakmatek Timor mós hakmatek, mas imi mak sabraut, Timor mós sai sabraut mós”,dehan Lere Anan Timur.

Lere dehan, nia parte  mós rona  membru Polísia Militar balun  halo kontaktu ho Tentara Nasional Indonesia, ne’e furak hodi hametin liu kooperasaun entre forsa nasaun rua  no hametin amijade, mas ténki tuir regras no legalidade.

“Ita la’os fetosa no umane,  ita la’os maun alin, ita nasaun ketak-ketak.  Ne’e mak imi nia  hasoru malu  ho  forsa Indonézia  mós  ténki iha regras hodi hasoru malu”,dehan Lere.

Lere: PM tenke sai lalenok ba forsa hotu

Xefe  Estadu  Maior Jenerál FALINTIL –Forsa Defeza Timor-Leste (F-FDTL) Majór Jenerál Lere Anan Timur husu ba membru Polísia Militar  (PM)  atu hatudu disipllina  hodi  sai lalenok ba  militar  hotu.

Lere  hateten,  kna’ar Polísia Militar   mak atu tau matan  ba komportamentu  disiplina militar loron-loron.   Tanba  ne’e  Lere   husu ba Polísia Militar atu hatudu  disiplina hodi sai izemplu ba forsa sira seluk nune’e bele halo tuir.

 “Polísia Militar atu tau matan ba militar sira, atu tau matan ba saída, atu tau matan ba komportamentu , tau matan ba sira nia lala’ok, tau matan ba sira nia hatais, tau matan ba transporte, tau matan ba sira nia moris loron-loron  núdar militar. Tanba imi ténki hatudu a’an imi mak sai lalenok, imi mak sai izemplu atu sira seluk sama tuir imi nia ain fatin, sé imi nia hatais la diak la serve atu sai Polísia Militar, sé imi nia komportamentu la diak imi labele sai Polísia Militar”,esplika Xefe  Estadu  Maior Jenerál FALINTIL –Forsa Defeza Timor-Leste (F-FDTL) Majór Jenerál Lere Anan Timur, liu husi diskursu Sesta (17/01/20)  iha aniversáriu Polísia Militar iha Kintal Bo’ot Díli.

Lee hotu :   PNTL firme asegura EA

Alende ne’e Unidade Polísia Militar  harii iha tinan 2005    membru inisiu hamutuk   32,  Alferes  nain  5, Sarjentu  nain 7, furel nain lima  ho soldadu sira ne’ebé mak komanda husi  matebian Majór Alfredo Reinaldo.

Dadauk ne’e Unidade Polísia Militar kompleta ona tinan 15  ne’ebé komanda hikas husi Komandante Unidade Polísia Militar Majór Abel da Costa Xavier  “Niki”.

Marka prezensa iha seremonia aniversáriu ne’e, asesor internasionál husi Brazil,  Komandante PNTL munisípiu Díli Superintendente Xefe Armando Monteiro,  Diretór Servisu Migrasaun, Superintendente  Agustinho  Gomes, emprezariu Mauhoca  eis membru  petisaun ne’ebé mak  uluk hanesan  membru Polísia Militar no família forsa Polísia Militar sira.avi

Add to Comments Here!!!!

error: Content is protected.
Secured By miniOrange
You might also like:
Ramos Horta: Laiha pena de morte, droga kontinua tama TL

Eis Prezidente Repúblika (PR), José Ramos...

Dom Virgílio: Joven tenke onestu no iha responsabilidade

Arcebispo Arquediocese Metropolitano Dili, Virgílio do...

PR sei koalia ho titulár orgaun soberania hakotu impase polítiku ■ Taur sei nafatin Primeriu Ministru

Prezidente Repúblika (PR), Francisco Guterres Lú...

Close