JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Faustino: Governu sei kria uluk kondisaun antes reforsa tan membru UPF

Faustino: Governu sei kria uluk kondisaun antes reforsa tan membru UPF

Komandante Jerál Polícia Nacional Timor-Leste (PNTL) Komisáriu Faustino da Costa, informa, Governu sei kria uluk kondisaun toba fatin ba membru polísia Unidade Patrullamentu Fronteira (UPF), antes reforsa tan membru Polísia ba iha liña fronteira.

Tuir  informasaun husi membru UPF sira husi kompañia Alfa munisípiu Bobonaro, relata ba  GMN iha fronteira katak, membru UPF  ne’ebé mak  koloka iha postu sira limitadu tebes. Tanba  ne’e sira labele kontrola área movimentu ema tama sai no movimentu ilegal sira.

Tanba  ne’e sira husu ba komandu PNTL atu  aumenta tan membru sira hodi reforsa membru UPF atual  iha postu sira.

Hatan  kestaun Komandante  Jerál PNTL Komisáriu Faustino da Costa hateten, dadauk ne’e  instituisaun PNTL seidauk halo rekrutamentu ba ninia membru foun, tanba  governu haruka hadia uluk uma-laran.

No antes koloka membru UPF foun atu reforsa seguransa iha fronteira sei harii tan uma ba UPF sira hodi hela.

“Ha’u hanoin buat ne’e la’os  buat foun ida   ita koalia bebeik ona, agora polítika  governu hato’o klaru ona katak tinan  ida ne’e la halo rekrutamentu. Hanesan informasaun ne’ebé mak governu hato’o hadia  uma-laran  la signifika  ita koalia  kona-bá operasionál, koalia mós parte administrativu, por ezemplu  postu ida ho kondisaun ida hanesan ne’e  ema nain lima nain sanulu  mak toba, ita tau ema nain 10  to’o 25 sira atu tau iha ne’ebé,   nia mai dook husi nia família  ne’e situasaun ida”,esplika Komandante Jerál PNTL Komisáriu Faustino da Costa, ba jornalista GMN (05/02/20) iha Postu  UPF Mozon, Maliana.

Líder máximu instituisaun PNTL  ne’e akresenta, agora  iha eskuadra  sira membru Polísia limitadu hela.

Lee hotu :   Deskonfia hana Teo ho rama ambon, PNTL kaptura membru PSHT na’in 8

“Ami fou-foun ne’e dehan Polísia ne’e barak ba iha ne’ebá, mas realidade Polísia barak ba hela iha ne’ebé.

Kria kondisaun uma laran antes ita halo rekrutramentu. Ita halo rekrutamentu  para  ital abele hamosu problema”,dehan Faustino da Costa.

Dadauk, membru Unidade Patrullamentu Fronteira ne’ebé mak koloka hodi  garante seguransa iha  fronteira  no aeroportu Díli inklui  aeroportu Suai hamutuk  400   resin, ho total postu UFP  30.avi

Add to Comments Here!!!!

error: Content is protected.
Secured By miniOrange
You might also like:
Família hetan ona Justino Lopes nia mate-isin ne’ebé Lafaek “lori lakon”

Família husi Justino Lopes (matebian) ne’ebé...

Kandidatu estudante la pasa ba UNTL tinan 2020, Longuinhos: Sei iha oportunidade ba tinan oin

Relasiona ho estudante kandidatu ne’ebé la...

Hakotu impase, CNRT-FRETILIN ideia lahanesan ■Xanana: Ami sei la envolve iha Governu foun mai

Prezidente Partidu Congresso Nacional de Reconstrução...

Close