JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu uza osan Estadu ba interese privadu, TDD kontinua rona deklarasaun husi AS

Kazu uza osan Estadu ba interese privadu, TDD kontinua rona deklarasaun husi AS

Tribunál Distritál Díli (TDD), iha Tersa, loron 18, fulan ne’e, kontinua rona deklarasaun husi arguidu ho inisiál AS nu’udar funsionáriu Ministériu Edukasaun (ME), tanba deskonfia envolve iha kazu administrasaun da noza, hamutuk ho arguida DFPB no IBPA.

Tuir akuzasaun husi Ministériu Públiku (MP) ne’ebé lee sai husi juíz prezidi katak, arguidu AS nu’udár funsionáriu ME, servisu iha tinan 2013-2016, hanesan Diretór Jerál Ensinu Sekundáriu no Tékniku Vokasionál (ESTV), iha ME. Arguidu AS hanesan mós Koordenadór Nasionál ba projetu karta edukativa ni’an.

Tanba ne’e, iha loron 8, fulan Abril, tinan 2014, arguidu AS submete proposta ida ba Diretór Jerál Servisu Kooperativa, hodi husu orsamentu ba realiza aktividade ida ne’e iha munisípiu hotu ho montante USD16.880. Orsamentu viajen ne’ebé apropria ba arguidu montante USD540, maibé arguidu la halo viajen ba munisípiu sira hanesan Liquiça, iha loron 01, fulan 8, tinan 2014 no arguidu simu tiha osan viajen hamutuk USD180. Viajen ba munisípiu Aileu, iha loron 1, fulan 6, tinan 2014, arguidu simu osan ho montante USD120. Ba munisípiu Ermera, iha loron 11, fulan 12, tinan 2014, arguidu simu osan ho montante USD60.

Maibé arguidu hala’o viajen ba Oe-Cusse loron 8 de’it no tuir loloos arguidu simu osan viajen USD440, maibé arguidu inventa tiha viajen ba loron 10, hodi hetan tan osan ho montante USD120.

Hatán ba akuzasaun ne’e, arguidu AS mós deklara ba tribunál katak, loos duni nia (arguidu-red) halo viajen ba Oe-Cusse durante loron 8 no kona-bá inventa ne’e tanba ninia hakarak, maibé tanba kareta át durante loron rua (2).

 “Loos duni viajen ba Oe-Cusse ne’e durasaun loron 8, maibé kona-bá inventa ne’e la’ós tanba ha’u nia hakarak, maibé tanba kareta mak át durante loron 2. Ha’u ba Oe-Cusse ne’e iha loron 22, fulan Setembru to’o loron 3, fulan Outubru, tinan 2015, maibé ha’u to’o Oe-Cusse ne’e loron tolu (3) de’it kareta át kedas”, dehan arguidu iha sala julgamentu.

Lee hotu :   Salvador Guterres hetan baku husi nia oan mane

Rona tiha deklarasaun husi arguidu, tribunál adia fali julgamentu ba loron 17, fulan Marsu, tinan 2020, tuku 04:30 lokraik, hodi kontinua rona arguidu DFPB, IBPA no sasin sira.

Audénsia ba julgamentu ne’e, prezide husi Juíz kolektivu, Maria Solana, António Ribeiro, Maria Modesta, MP reprezenta husi Prokuradór, Jacinto Babo no arguidu hetan asisténsia legál husi Advogadu Privadu no Defensór Públiku. san

Add to Comments Here!!!!

error: Content is protected.
Secured By miniOrange
You might also like:
Hakotu impase polítiku, PD halo aproximasaun ho FRETILIN

Atu hakotu impase polítiku ne’ebé nasaun...

PLP prontu hasoru kualker konfigurasaun ne’ebé mosu

Vise Prezidente Conselho Político Nasionál (CPN),...

CNRT sei kria koligasaun foun forma IX Governu ■ Alkatiri: FRETILIN sei la forma Governu iha 2020

Sekretáriu Jerál PD, António da Conceicão...

Close