JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prevene COVID-19, PTR prolonga servisu judisiál durante loron 30

Prevene COVID-19, PTR prolonga servisu judisiál durante loron 30

Hafoin reuniaun Konsellu Superiór Majistradu Judisiál (KSMJ), iha loron 23, semana ne’e, hodi aprova rezolusaun ne’ebé regula servisu tribunál ni’an ba prevensaun pandemia coronavirus (COVID-19).

Nune’e, iha Kuarta, loron 25, fulan ne’e, liu husi konferénsia imprensa ne’ebé hala’o iha salaun enkontru Tribunál Rekursu (TR), Caicoli-Díli, Prezidente TR (PTR), Deolindo dos Santos informa, haree ba situasaun atuál ne’ebé mundu tomak hasoru kona-bá pandemia COVID-19, KSMJ deside prolonga servisu TR no Tribunál Distritál sira durante loron 30.

“Servisu ne’ebé tribunál sira bele halo mak prosesu sira ne’ebé tau em kauza ba direitu fundamentál ba arguidu sira-ni’an, ne’e mak prosesu krime ezemplu kazu sira ne’ebé kona-bá labarik sira, kazu sira ne’ebé arguidu prezu, kazu sira ne’ebé arguidu detidu iha prosesu sumáriu, kazu sira ne’ebé iha prosesu interogatóriu no mós ba prosesu sivíl mak provénsia kautelar, alende ne’e mós juíz sira tenke halo prosesu balun ne’ebé que juíz sira haree katak prejudika prosesu ne’e rasik ka bele hamosu dano ne’e bele repara, ezemplu konkretu mak prosesu ne’e kuandu bainhira demora karik bele iha preskrisaun, entaun juíz sira bele halo julgamentu. Konsellu mós deside haruka kada juíz administradór ho Sekretáriu Judisiál komesa husi TR no mós ba tribunál sira iha priméiru instánsia ni’an halo planu mapa ba servisu 30 dias, ne’e para juíz sira bele halo turnu para bele hatene kazu sira ne’ebé mak ohin ha’u esplika no ba juíz sira ne’ebé laiha turnu sira hela iha uma sira servisu nafatin ho prosesu ne’ebé que sira-ni’an”, PTR ne’e iha salaun enkontru TR, Caicoli-Díli, (25-03-2020).

Líder Máximu tribunál ne’e akresenta katak, iha prosesu julgamentu ne’ebé la’o, sei fó limite ba audénsia sira, tanba espasu iha Tribunál Distritál sira labele akumula partisipante barak iha audénsia, nune’e bele evita transmisaun COVID-19, liu husi distánsia sosiál.

Lee hotu :   Filomeno Paixão: Laiha tan rekrutamentu ba PNTL, treina F-FDTL priense servisu polísia

Entretantu tuir dadus ne’ebé relata husi Organizasaun Mundiál Saúde (OMS) katak, rejistu ona kazu pandemia COVID-19 hamutuk 422,829 no hamate ona ema 18,907 no ema ne’ebé rekopera ona husi pandemia COVID-19 hamutuk 109,102. san

Add to Comments Here!!!!

error: Content is protected.
Secured By miniOrange
You might also like:
Ohin PN debate pedidu Estadu Emerjénsia

Prezidente Parlamentu Nasionál (PN), Arão Noe,...

LJF kontinua baixa iha komisaun C PN

Proposta terseira alterasaun Lei Jestaun Finanseira...

FRETILIN preokupadu koligasaun AMP hodi temi Calistro Gonzaga

Vise xefe bankada Fretilin, deputadu Francisco...

Close