JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere apela ba Timor-Oan hotu atu respeita líder sira  Parte kompotente tenke kria lei regula MedSos

Lere apela ba Timor-Oan hotu atu respeita líder sira 	Parte kompotente tenke kria lei regula MedSos

Xefe Estadu Maior Jeneral FALINTIL-Forsa Defeza Timor-Leste (F-FDTL), Major Jeneral Lere Anan Timur, apela ba Timor-Oan hotu atu respeita líder nasionál no líder istóriku sira iha Timor-Leste, tanba ho sira-nia sakrifísiu mak dau-daun ne’e Timor-Leste moris independente.

Mensajen ne’e Lere Anan Timur hato’o liu husi konferensia imprensa, relasiona ho suspeitu ou autór ho inisiál YFT ne’ebé uza identidade falsu (ID-red) iha média sosiál, trata líder máximu ne’e ho liafuan la edukativu.

“Ita bo’ot tolok agora dau-dauk tiru ho liafuan, tiru ho liafuan que kona ami mós moras, tanba ami mós iha família fen-oan no maun-alin ne’ebé sira bele lori ba lia ne’e, mais ha’u hanoin husu ita-nia komprensaun atu sala ida ita labele lori sala ida mai atu selu, hanesan ohin ha’u dehan ne’e katak ita-boot agora tolok, mais aban-bainrua la’ós tolok ona, dalaruma ho kro’at mak bele hasoru fali ami, ne’e duni, ha’u husu ba ita-boot katak to’o de’it ona iha ne’e, hateten ba ita-nia maluk sira to’o de’it iha ne’e, mais ita boot ami deskonfia katak ita-boot keta iha instrusaun ruma atu halo oinsa para ema la fiar ami líder sira ne’ebé que lori funu to’o remata no agora ohin loron ami mak lori nafatin nasaun ne’e atu ba oin, maibé imi kontinua desrespeita, la fiar, laiha étika atu perante ami líder sira ne’e”, Xefe Estadu Maior F-FDTL ne’e ba autór YFT ne’e, iha Farol-Díli, Kinta (09-04-2020).

Iha konferensia imprensa ne’e mós Lere husu ba YFT atu labele kontinua tan hahalok desrespeita ne’ebé nia (autór-red) halo ba líder istóriku no nasionál sira ne’e.

Lee hotu :   Kazu krime menus durante Estadu Emerjénsia

Entretantu kazu refere Polícia Científica e de Investigação Criminal (PCIC) identifika iha loron 8, fulan ne’e, mais ou menus tuku 04:00 lokraik, iha suspeitu nia rezidénsia.

Parte kompotente tenke kria lei regula MedSos

Xefe Estadu Maior Jeneral FALINTIL-Forsa Defeza Timor-Leste (F-FDTL), Majór Jeneral Lere Anan Timur, husu mós ba Parlamentu Nasionál (PN), Governu no Tribunál tenke halo lei sibernétiku hodi kriminaliza autór ne’ebé utiliza identidade falsu (ID-red), hodi insulta ema ho liafuan la edukativu iha Média Sosiál (MedSos).

“Ha’u apela ba komunidade tomak no joventude intelektual ka la intelektual sira, hanesan ohin ha’u dehan uluk iha funu laran ema Indonézia tolok ami, tanba la gosta, la’ós Indonézia de’it Timor-Oan sira ne’ebé que la gosta ukun-an mós tolok ami, tanba ita inimigu mais ohin loron imi tolok nafatin ami quer dizer ita inimigu nafatin, ita seidauk haluha situasaun ida ne’ebé que uluk ita atravesa 24 anus, sé ita hakarak hatudu momós katak ita Timor-Oan duni, ita tenke hakraik-an ba órgaun soberanu sira, entaun tolok malu ida ne’e ita tenke hakotu ona ho ida ne’e, no ha’u husu ba Governu, PN no ba Tribunál sira atu halo lei, atu kondena sira kona-bá tolok nini’an, kona-bá defamasaun ba ema nia dignidade ida ne’e, ha’u hanoin ida ne’e mak importante liu, mais kuandu ita laiha lei ida atu kondena defamasaun no mal trata sira ne’e, ha’u hanoin ema bele interpreta demokrásia  sala  no halo arbiru deit”, Xefe Estadu Maior F-FDTL ne’e ba autór YFT ne’ebé insulta líder refere iha MedSos, liu husi konferensia imprensa iha Farol-Díli, Kinta (09-04-2020).

Lee hotu :   PDHJ identifika Funsionario Públiku husi MP, MSS, MOPTC ba kampaña

Husi sorin seluk, Adjuntu Diretór Polícia Científica e de Investigação Criminal (PCIC), Adino Cabral, afirma, parte PCIC halo identifikasaun de’it ba autór sira ne’ebé utiliza identidade falsu iha MedSos, maibé labele kriminaliza, tanba laiha lei espesífiku ba krime sibernétiku.

“Iha kontextu ida ne’e, Estadu iha obrigasaun para atu asegura dignidade, naran di’ak no atu regula informasaun teknolójia, para ita bele kriminaliza aktu balun por-ezemplu fake news ho demasaun ne’e ita regula ona iha ramu sivíl ni’an, sé for ida ne’e hakarak regula iha kriminál ni’an tenke iha lei propriu ida. Ha’u hateten dalabarak ita presiza iha lei sibernétika para atu regula aktu hirak ne’ebé mak dalabarak prejudika ou viola ema balun nia direitu que ladun kontribui ba trankuilidade públiku ni’an, ida ne’e Estadu iha papel importante, para atu regula, tanba polísia nia servisu atu asegura prinsípiu legalidade, ida ne’ebé mak tuur iha lei ida ne’ebé mak regula, ida ne’e mak polísia ezekuta”, Adjuntu Diretór PCIC ne’e iha ninia kna’ar fatin Caicoli.

Adjuntu Diretór ne’e mós husu ba Autoridade Nacional de Communicações (ANC) atu aplika nafatin rejistrasaun ba utilizadór komunikasaun sira, hodi rejistu kartaun Subscriber Identity Module (SIM-red), nune’e evita ema utiliza identidade falsu iha MedSos. san

Add to Comments Here!!!!

error: Content is protected.
Secured By miniOrange
You might also like:
PNTL bandu Xefe Suku halibur komunidade iha tempu EE

Polísia Nasionál Timor-Leste (PNTL) la autoriza ...

Governu seidauk deside subsídiu ba kada família durante EE

Ministru Estadu Kordenador Asuntu Ekonómia (MEKAE),...

PDHJ lamenta atitude membru PNTL ne’ebé hasai liafuan a’at

Provedóra  Direitu Umanu no Justisa (PDHJ-sigla...

Close