JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eis membru Governu ida tama lista indultu

Eis membru Governu ida tama lista indultu

Kada tinan Prezidente Repúblika (PR) sempre fó indultu no kumutasaun pena ba dadur sira, wainhira selebra loron restaurasaun independénsia no proklamasaun independénsia.

Tanba ne’e, Ministru Justísa (MJ), Manuel Cárceres, prepara ona lista pedidu indultu ba prizioneiru hamutuk 219, ne’ebé mai husi estabelesimentu servisu prizionál Becora, Gleno no Suai.

Entretantu iha lista pedidu ba indultu no kumutasaun pena ne’e, involve mós eis-governante balun ne’ebé kumpre hela pena iha prizaun.

“Prosesu sira ne’e MJ halo ona hamutuk 219 pedidu ba indultu no kumutasaun de pena ba ita-nia maluk sira iha prizaun ne’ebá atu hetan indultu ou kumutasaun de pena husi PR, maibé atu fó ka la fó ne’e kompeténsia eskluziva PR ni’an, Governu liu husi MJ halo prosesu hato’o pedidu hamutuk 219 husi prizaun tolu (3) hanesan Becora, Gleno no Suai, inklui eis membru Governu ida ne’e, tanba sira hotu-hotu sai ona, hela de’it nia, tuir lei bele tama ona iha prosesu indultu ni’an, simu ona pareser husi tribunál no Ministériu Públiku (MP) katak bele haruka ona ba PR, ita hein bainrua dekretu PR ni’an sé-sé nia naran mak sai”, MJ ne’e hafoin hasoru malu ho Primeiru Ministru (PM), Taur Matan Ruak, iha Palaçio do Governo, Segunda (18-05-2020).

Governante ne’e subliña mós katak, tuir lei númeru 05/2011 bele fó indultu ba prizioneiru ne’ebé komete kazu droga, brankeamantu kapitál, omisídiu agravadu, violasaun seksual no korupsaun, tanba razaun umanitária no mós prizioneiru ne’ebé kumpre ona um tersu (1/3).

Dadur ne’ebé sofre moras mós inklui iha lista

Ministru Justísa (MJ), Manuel Cárceres, akresenta mós katak, iha lista prizioneiru ne’ebé MJ propoin ne’e kompostu mós dadur ne’ebé idade boot no dadur ne’ebé moras.

Lee hotu :   Forsa rezerva baku Andre Rangel Gomes, Euclides prontu hatan iha tribunal

Maibé Governante ne’e, hateten, maibé atu fó liberdade ba prizioneiru sira ne’e, kompeténsia PR ni’an tuir lei haruka.

“Sé la sala ha’u mós simu mensajen ida husi Komisária Alta Direitu Umanu Nasaun Unidas ni’an husu ba Governu hotu-hotu iha mundu, tanba de’it pandémia COVID-19 ne’e husu para depois atu ema sira ne’ebé iha detensaun ka iha prizaun ne’e bele invoka razaun umnitária ita husu sira nia liberdade, tanba ida ne’e mak liu-liu sira ne’ebé tinan 60 ba leten, sira ne’ebé moras hanesan, moras fuan, tensaun aas no moras krónika sira ne’e ita husu para depois bele hasa’i sira husi prizaun, maibé fila-fali ba ita-nia lei, só PR mak iha kompeténsia ida ne’e, maibé husi 219 ne’e barak mós ita-nia maluk sira ne’ebé idade boot liu 60 no balun moras, no sira-nia akta estadu médiku ne’e haruka hotu ona ba PR atu pondera”, MJ ne’e hafoin hasoru malu ho Primeiru Ministru (PM), Taur Matan Ruak, iha Palaçio do Governo, Segunda (18-05-2020).

Pedidu indultu ne’ebé Ministériu Justísa (MJ) sei haruka ba PR hodi fó indultu total 219 mai husi estabelesimentu servisu prizionál Becora, Gleno no Suai. san

Add to Comments Here!!!!

error: Content is protected.
Secured By miniOrange
You might also like:
Konsidera asaltu poder, PPN sei keixa VPPN Angelina ba Tribunal

Prezidente Parlamentu Nasionál (PPN), Arão Noe...

SIJK alerta ba populasaun munisípiu tolu labele hakat liu fronteira

Sentru Integradu Jestaun Krize (SIJK) alerta...

Mensajen Bispu Dom Carlos ba 20 de Maio

Ocorre no dia 20 de maio...

Close