JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PDHJ: Autoridade lokál kobra osan ba komunidade ne’e krime

PDHJ: Autoridade lokál kobra osan ba komunidade ne’e krime

Provedora ba Provedoria Direitus Humanus no Justisa (PDHJ), Jesuina Maria Ferreira Gomes, hateten, monitorizasaun PDHJ identifika autoridade lokal sira halo kobransa osan ilegál ba komunidade hodi   hetan fixa família.

Ho aktu ne’e, PDHJ konsidera krime ilegalidade no husu Ministériu Estatal atu loke prosesu investigasaun lalais.

Antes governu deklara ona atu fó subsídiu dolar atus ida  ba kada uma-kain iha ámbitu implementasaun Estadu Emerjénsia, nune’e komunidade sira tenke hakat ba iha sede suku hodi trata sira ninia fix família. Iha tratamentu fixa família ne’e, PDHJ halo monitorizasaun  no   identifika, autoridade lokal, tantu Xefe Suku no Aldeia balun  halo kobransa  osan ba komunidade ho  valor 50 sentavos no  dolar 3 to’o dolar 5.

Aktu sira ne’e akontese iha munisípiu Bobonaro,  Rejiaun Administrativa Espesial Oecussi Ambeno (RAEOA), Manufahi inklui iha Díli.

Hanesan  iha Bobonaro akontese iha Suku Lahomea ho Carau-Balu, iha Same akontese iha Suku Daisua, iha Díli akontese iha Suku Camea no Villa-Verde, iha RAEOA, akontese iha Suku Quña.

“Iha fatin ne’ebé mak PDHJ halo monitorizasaun identifika katak autoridade komunitária sira, Xefe Suku Xefe Aldeia halo kobransa ba iha tratamentu fixa família  ne’e nia kuantidade ne’e varius, balun 50 sentavos, balun dolar 1, to’o dolar 3, balun  dolar 5. Tanba  ne’e mak, PDHJ halo kedas karta ba iha Ministériu ESTATAL  atu foti medida lalais  kona-bá asaun ne’ebé líder komunitária sira halo”,esplika Jesuina Maria Ferreira Gomes, ba jornalista  sira Kuarta (13/05/20) iha Caicoli, Díli.

Jesuina Maria Ferreira Gomes dehan, to’o agora seidauk iha  regras no lei ruma  ne’ebé fó kompeténsia no poder   ba Xefe Suku no Aldeia sira  atu halo kobransa, sé iha lei no regras ruma hakerek katak,  sira iha poder atu halo kobransa  ne’e legal, mas laiha previzaun ruma kontra legalidade.

Lee hotu :   PNTL sei hamos lema artes marsiais

Ministériu ESTATAL responde ona karta PDHJ  nian katak, sira sei foti medidas ho lalais, atu tuun ba verifika informasaun ne’e  iha Suku sira mak ohin temi ne’e atu foti medidas lalais husi asaun ne’ebé mak líder komunitária sira hala’o.

Aktu sira ne’e ba PDHJ  haree husi parte prinsipiu  kategoria  voa governasaun nian  haree husi ilegalidade katak, sé laiha lei  ruma mak regula autóridade públika sira hala’o asaun rumak mak laiha lei mak preve, ne’e konsidera ilegilidade.

Konsellu Ministru aprova, projetu dekretu lei kona-ba subsídiu dolar amerikanu atus ida, ba kada família iha ámbitu pandemia COVID-19, iha loron rua nulu resin tolu, fulan abril, tinan ne’e.avi

 

Add to Comments Here!!!!

error: Content is protected.
Secured By miniOrange
You might also like:
CNRT: Entrega kargu PPN tenke tuir dalan legál

Xefe bankada CNRT, Duarte Nunes, hateten,...

Dadus COVID-19 iha Timor Leste, 13 Maiu 2020

AETL husu Governu valoriza enfermeiru sira

Associação dos Enfermeiros de Timor-Leste (AETL)...

Close