JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere husu líder 74-75 labele halo povu konfuzaun

Lere husu líder 74-75 labele halo povu konfuzaun

Xefe Estadu Maior Jeneral Falintil Forsa Defeza Timor-Leste (F-FDTL), Majór Jeneral Lere Anan Timur husu ba líder sira iha tinan 1974 no 1975 labele halo povu konfuzaun ho Problema uluk ne’ebé líder sira halo, tanba povu presiza moris hakmatek.

“Situasaun mak krize lideransa ida ne’e mak iha, krize lideransa ne’e la’os lideransa 2020 nian, maibe lideransa 74 imi  rona sira kritika malu sira akuza malu na’ok osan  buat sira ne’e hotu, ha’u apela ba sira  liu-liu ita nia líder Nasional 74 katak imi nia problema uluk halo iha liur, iha funu laran to’o de’it ona iha ne’eba lalika lori tan mai iha Timor, se-se mak naok lori ba Tribunal lalika tau iha media buat sira ne’e para kria konfuzaun ba ema,  kria konfuzaun ba ita nia komunidade, konfuzaun ba ofisiais iha militar ka polisia nia laran”, dehan Lere Anan Timur ba jornalista sira, Kuarta (01/07/2020), iha Palásiu Prezidensial Nicolau Lobato, Bairo Píte, Díli.

Nia afirma, líder 74 hotu-hotu líder ida istóriku, matenek ne’ebé lori nasaun ba ukun aan. Tanba ne’e  nia  apela ba líder 74 ninian, problema funu nian hotu ona, lalika lori tan mai iha ne’e.

“Uluk iha liur imi diskuti malu, hadau malu,  buat sira ne’e lalika lori ida ne’e mai Timor,  husu para tur hamutuk  iha konsensu atu lori  nasaun ne’e ba oin, dirije  líder jerasaun foun ne’ebé matenek atu sira manan  esperiénsia, atu bele ukun rai ne’e. Ita-nia líder sira ita haree ba, ita sente la kontenti kuandu ita haree iha media Jornal, Televizaun ida kritika ida ne’e, ida kritika ida ne’eba. Uluk ami iha ai-laran mos hanesan ne’e, maun sira iha liur ne’eba ta malu, tara malu, tuku malu enkuantu ema guerileiru sira mate iha ai-laran ne’eba ne’e, no agora mos hanesan ne’e, ita-nia povu kiak, faluk, oan-kiak nakonu iha ita-nia rain, buka tur hamutuk hetan konsensu lori ita nasaun ba dezenvolvimentu, ida ne’e mak importante liu”,tenik Lere.

Lee hotu :   Lere husu ema hotu atu kumpri EE

Hakfodak Naimori hatais Batina

Xefe Estadu Maior Jeneral Falintil Forsa Defeza Timor Leste (F-FDTL), Majór Jeneral Lere Anan Timur hatete, nia hakfodak bainhira nia haree iha facebook ema hatudu ba nia, líder másimu partidu KHUNTO, José dos Santos Naimori Bukar hatais fali Batina hanesan los amu sira.

“Kona-ba kritika ne’ebé amu Maubere halo, ha’u la to’o iha ne’e. Tanba uluk iha ai-laran ami mos lori manu-raan, asu-raan halo funu, mas hanoin katak ita ohin loron moris iha sosiedade ne’ebé sivilizadu, dezenvolvidu la’os lori manu- raan mak ita atu ukun rai ne’e, ha’u mos dalaruma tinan-tinan  fó haan ba ha’u- nia lulik, ha’u la ameasa Estadu ida ne’e, ha’u mos sarani, mas ha’u fiar ha’u nia tradisaun. Ha’u-nia alin Naimori hatais fali batina ne’e mak dalaruma ita konfundi tanba se nia la ba eskola seminariu nusa mak nia hatais fali batina, uluk ami iha ai laran mos hanesan ne’e balun hatais batina, ha’u mos haree iha facebook nia hatais batina ne’e padre ida ne’ebé mak ne’e, depois ha’u husu tun sae dehan ne’e  alin Naimori, ne’ebé husik ba ne’e  nia direitu, ha’u mos lakohi koalia kona-ba nia sala ka los ne’e ha’u lahatene”,dehan Lere Anan Timur ba jornalista Kuarta (01/07/2020), iha Palásiu Prezidensial Nicolau Lobato, Bairo Píte, Díli.

Tuir Lere nia haree, José dos Santos Naimori Bukar iha díreitu hodi halo rituál, maibe deklarasaun Amu Domingos Maubere katak, rituál ne’e kontra doutrina Igreja, kuandu Naimori sente sala ba konfesa ba Amu sira iha Igreja.

“Ita Timor ne’e Katólika ka lae? Mas lei seidauk bandu tradisaun mas ba ha’u dehan hanesan ne’e ita agora moris iha sosiedade ida ne’ebé sivilizadu no edukadu. Uluk ai-laran ami funu mos hanesan ne’e, balun ne’e lori manu-aten, asu-aten atu halo funu ikus mai ha’u dehan ita lori manu-aten halo funu ita lakon funu, por ezemplu kuandu ba tiru malu tenke haree lai manu-aten, manu-aten diak ba tiru malu, maibe ladiak la ba tiru malu, entaun ida ne’e  ita nunka mai oho inimigu”,dehan tan Lere.

Lee hotu :   La entrega kareta Prado, Arão Noe: PN sei prosesa ba Tribunal

Lere subliña, Naimori halo asaun ne’e nia halo nia tradisaun ka nia kultura ne’e  nia la hatene, maibe  konstituisaun mos fó dalan,  uzu kostume tradisaun kultura ne’e ida idak halo, maibe nia Katóliku se nia hanoin katak nia sala nia ba konfesa.

“Padre mak ema konfesa nain be nia dehan sala ne’e, Naimori aban bainrua tenke ba konfesa, maibe nia hanoin katak nia la sala aban bainrua mate mak São Pedro mak sei deside, ba Lalehan ka tur Infernu São Pedro mak tur iha odamatan ne’eba nia mak desidi”, haktuir Lere. Oly

Add to Comments Here!!!!

error: Content is protected.
Secured By miniOrange
You might also like:
Harii fali meza PN tenke iha rekonsiliasaun entre deputadu sira

Arsebispu Metropolitanu, Dom Virgílio do Carmo...

Problema iha sistema, pagamentu subsídiu porsentu 60 ba kompañia tarde

Institutu Nasionál Seguransa Sosiál (INSS) halo...

PM Taur husu MPM tenke kontinua servisu ne’ebé Xanana hala’o ona

Primeiru Ministru (PM), Taur Matan Ruak,...

Close