JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ADTL: Konstrusaun edifísiu iha TL kontinua esklui ema ho defisiénsia

ADTL: Konstrusaun edifísiu iha TL kontinua esklui ema ho defisiénsia

Diretór Asosiasaun Defisiente Timor-Leste (ADTL), Cesário da Silva, konsidera maioria konstrusaun edifísiu iha Timor-Leste (TL) sei kontinua esklui partisipasaun ema ho difisiénsia.

“Ami koalia kona-bá asesibilidade fíziku fatór ida ne’ebé impede maka’as partisipasaun ema ho defisiénsia iha prosesu dezenvolvimentu hotu-hotu. Tuir ami nia observasaun kona-bá direitu umanu ne’ebé ema ho defisiénsia, tanba edifísiu públiku sira hotu ami akompañia sei esklui hela maluk defisiénsia sira”, Diretór ADTL ne’e iha Parlamentu Nasionál (PN), Kinta (24-09-2020).

Tuir Cesário, razaun esklui ema ho defisiénsia, tanba obra sira ne’e laiha asesibilidade atu ema ho defisiénsia bele asesu, hanesan ezemplu eskola sira laiha rampa, toilet públiku sira, hodi impede ema ho defisiénsia nia partisipasaun.

“Ho situasaun ida ne’e ita sei la rezolve buat ida, ita nia planu estratéjiku dezenvolvimentu hodi mellora kontribui ba dezenvolvimentu ita opta objetivu dezenvolvimentu ho nia lema life now one behind ema difisiensia maka ita dehan still behind. Tanba ne’e rekomenda ba Ministériu Obras Públika (MOP) ho Ministériu Transporte no Komunikasaun (MTK) atu opta universál desain ou dezeñu universál ne’ebé Organizasaun Nasaun Unidas (ONU) sira aplika hanesan matadalan dezeñu ba MOP, hodi bele asegura asesibilidade”, afirma Cesario.

Ministru Óbras Públika, Salvador Pires, hateten, presiza kria lei baze ordenamentu territorial, hodi bele intégra asuntu ema ho difisiénsia iha kada investimentu.

“Ha’u simu audénsia husi sira koalia, kona-bá ida ne’e atu asegura obriga instituisaun hotu la’ós de’it setór públiku no setór privadu atu bele intégra asuntu defisiénsia iha kada investimentu ne’e mak presiza kriasaun dekretu lei baze ordenamentu teritoriál no presiza tan lei instrumentu tolu ne’ebé para tiha ona ba MOP, tanba muda tiha ona kompetensia. Kona-bá esbosu lei urbanizasaun, identifikasaun bele harii kódigu edifísiu, kódigu konstrusaun sivíl bele organiza no regular. Ita nia investimentu sira, kada investimentu molok hetan aprovasaun husi Governu permisaun atu halo konstrusaun ruma sira tenke akomoda nesesidade ema ho défisiénsia ni’an, sé lae Governu sei la fó permisaun ba konstrusaun, maibé presiza iha dekretu lei ruma bele fó projetu, ema  hotu  bele tuir, ha’u sei hasai despaixu ida ba edifísiu públiku bazeia ba ami nia lei orgánika“, tenik Salvador.

Tuir dadus ema ho defisiénsia iha Timor-Leste hamutuk rihun 30 resin, kompostu husi defisiénsia matan, tilun no fíziku. ety

Lee hotu :   Setór produtivu seidauk dezenvolve ho diak

Add to Comments Here!!!!

error: Content is protected.
Secured By miniOrange
You might also like:
PR promulga ona dekretu lei ANE, IP

Prezidente Repúblika (PR), Francisco Guterres Lú...

Governu sei kria alta autoridade koordena projetu petrolíferu no minerál sira

Ministru Petróleu no Minerais (MPM), Víctor...

MRNDJK: VIII Governu laiha dalan aprezenta OJE ba PN

Porta voz Movimentu Rezisténsia Nasional Defende...

Close