JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PCIC identifika ona autór foto modelu satanás iha estatua Nossa Senhora Ramelau

PCIC identifika ona autór foto modelu satanás iha estatua Nossa Senhora Ramelau

Xefe Telemátika Polícia Científica De Investigação Criminal (PCIC), Sílvio da Silva, informa, autór na’in tolu ne’ebé hasai foto besik estatua Na’in Feto Nossa Senhora Ramelau falun oin metin ho tais, halo-an hanesan satanás, ne’e PCIC deskobre hafoin Arsebispu Metropolitana Díli, Dom Virgílio do Carmo da Silva, SDB, konsidera imajen ne’e la valoriza no la respeita fatin sagradu uma kreda Katólika ni’an.

“PCIC halo averiguasaun liu husi social engineering, relasiona ho imajen ne’ebé mak virál ona i depois PCIC identifika, lokaliza no foti individu tolu relasiona ho postajen ne’ebé mak iha facebook laran, depois no fim seksaun telemátika halo identifikasaun ba individu na’in tolu durante 12 de tempo nia laran”, Xefe Telemátika PCIC ne’e ba GMN iha ninia kna’ar fatin Ministériu Justisa, Colmera-Díli, Segunda (14-09-2020).

Na’in husi imajen ne’ebé virál iha Média Sosiál (MédSos), Carlito da Conceição, rekoñese, nia parte mak públika imajen ne’e, durante fulan tolu ona, nia rasik mós deklara ona kona-bá imajen ne’e laiha intensaun atu dezrespeita ba fatin sagradu uma kreda nian.

Autór na’in tolu ne’e mós husu deskulpa ba públiku, liu-liu ba uma kreda iha Timor-Leste, relasiona ho imajen ne’ebé viral iha média sosiál ne’e.

“Husu deskulpa ba sarani sira hotu no mós ba Bispu sira no mós ba soldado Negro sira husi 00 to’o ba 011, ha’u klarifika de’it katak ha’u sala ona, ha’u husu deskulpa mais ha’u ba iha ne’ebá la’ós ho intensaun aat, maibé ha’u uza hena metan katak ha’u ema sala-na’in ba hakbesik-an ba Maromak, nune’e ba hamoos ha’u nia sala iha ne’ebá”.

Lee hotu :   TDD absolve membru PNTL ida husi Kazu OIFS

Enkuantu, parte PCIC husu ba utilizadór média sosiál sira, labele fahe tutan fotográfia ne’ebé públika ona iha facebook, para labele hamosu tan preokupasaun ba públiku.

Ho publikasaun ne’e PCIC halo prevensaun kriminál tuir kódigu penál Timor-Leste, artigu 135 kona-bá Diskriminasaun Rasiál ka Relijioza.

Dom Virgílio agradese PCIC

Arsebispu Metropolitana Díli, Dom Virgílio do Carmo da Silva, SDB, agradese ba servisu Polícia Científica De Investigação Criminal (PCIC), tanba bele identifika ona autór ne’ebé hasai foto besik estatua Na’in Feto Ramelau falun oin metin ho tais, halo-an hanesan satanás.

Hafoin PCIC halo identifikasaun ba autór na’in tolu ne’ebé hasai imajen falun an ho tais iha Santuáriu Ramelau, Segunda (14/09) lokraik mais ou menus tuku 5:00, hakat kedas ba rezidénsia Arsebispu hodi husu deskulpa.

“Ohin meiudia ha’u simu telefone husi parte responsavel ni’an katak, hetan ona autór sira ne’ebé halo atus ladun sarani nini’an iha Ramelau, liu-liu falun-an metin ba hasai foto hirak ne’ebé foin dau-dauk ne’e fó sai iha fim da semana liu ba. No ohin diresaun PCIC ni’an mai hamutuk ho ita-nia joven na’in tolu hamutuk mós ho família sira mai, primeiru sira mai husu deskulpa ba atus ne’ebé sira halo tiha ona, ne’e duni em nome joven sira ne’e hotu no ha’u dehan ba sira katak deskulpa ne’e imi labele husu mai ha’u, maibé imi tenke husu ba povu Timor, tan ne’e deskulpa ida ne’e ha’u tatoli de’it sira-nia lian katak sira rekoñese aktu ne’ebé sira halo ne’e laloos, no ha’u husu ba sira katak imi sarani no sira dehan ami hotu sarani, sé imi hatene sarani imi tenke husu deskulpa ba sarani hotu ne’ebé iha devosaun boot ho imi nia atuasaun ne’e”, Dom Virgílio do Carmo da Silva, SDB iha ninia rezidénsia Lecidere-Díli, Segunda (14-09-2020), hafoin fó perdaun ba autór sira.

Lee hotu :   PNTL prende fugetis kaisa 90 resin ■Suspeitu detein iha sela

Ho aktu refere, Arsebispu Metropolitana Díli apela ba sarani hotu iha Timor laran tomak, bainhira vizita fatin sagradu ka fatin turizmu relijioza, tenke ba ho intensaun atu hasa’e devosaun ba Maromak no mós husu tulun no perdaun, nune’e la’o tuir dalan loos. San

Add to Comments Here!!!!

error: Content is protected.
Secured By miniOrange
You might also like:
Santa Ana no São Joaquim modellu ba inan-aman atu eduka oan sira

Arsebispu Arkidioseze Metropolitana Díli, Dom Virgílio...

SEKoop sei fó formasaun kooperativa ba joven sira iha suku Metiaut

Sekretariu Estadu Kooperativa (SEKoop), Elizario Ferreira,...

ADTL husu Governu ratifika konvensaun ema ho defisiénsia ba ONU

Asosiasaun Defísiénsia Timor-Leste (ADTL), husu Governu...

Close