JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Prabowo la tama lista violasaun direitu umanu iha Timor-Leste

Lere: Prabowo la tama lista violasaun direitu umanu iha Timor-Leste

Xefe Estadu Maior FALINTIL-Forsa Defeza Timor-Leste (F-FDTL), Major Jeneral Lere Anan Timur, hateten, atual Ministru Defeza Indonézia, Prabowo Subianto, la tama iha lista komete krime sériu, liu-liu krime violasaun direitu umanu iha Timor-Leste.

“Ha’u hanoin katak kona-ba lista krime sériu ne’ebé sira komete violasaun direitu umanu iha Timor-Leste ita ba haree di-di’ak hanoin katak Prabowo naran la tama iha lista ida ne’e. Ha’u ba ona, ha’u konfirma ona Prabawo la tama ba lista ida ne’e. Uluk tinan 2010 ida hanesan ne’e nia hakarak mai Timor, maibé ha’u tauk nia tama mós iha lista ne’e afinal ikus mai nia la tama iha lista ida ne’e. Ministru balun no ema la’ós ministru balun mak tama, maibé Prabowo konforme informasaun ne’ebé ha’u simu nia la tama iha lista ida ne’e”, Xefe Estadu Maior F-FDTL ne’e hafoin hasoru malu ho Prezidente Repúblika (PR), Francisco Guterres “Lú Olo”, Kuarta (21/10/2020).

Major Jeneral Lere hateten, nia la’ós defende Indonézia, maibé sira ne’ebé komete krime violasaun direitu umanu iha Timor-Leste, tanba funu no tanba Timor-Leste hakarak ukun rasik-an. Alénde ne’e, Lere mós konsidera ofisiál sira Indonézia nian ne’ebé halo funu hanesan iha Timor-Leste hanesan eroi ba  sira-nia rai, tanba kumpre sira-nia misaun no orden sistema Indonézia, hodi mai halo funu iha Timor-Leste.

“Ita mós eroi iha ita-nia rai, tanba ita-nian dehan mate ka moris ukun rasik-an, agora ita ukun-an tiha fó sala ba sé? Sira mós la’ós sira mak hakarak mai invade, sistema ida mak haruka sira mai, agora ita halo oinsa mak ita-nia relasaun ho Indonézia tenke metin”, dehan Xefe Estadu Maior F-FDTL ne’e.

Nia husu mós ba Timor-Oan sira atu labele labele fó sala ba Indonézia, labele fó sala ba Prabowo ho Wiranto, tanba sira kumpre misaun ida mai iha Timor husi nasaun Indonézia, maibé fó sala ba antigu Prezidente Indonézia, Soeharto. Jeneral ne’e mós dehan, pesoalmente nia haluha tiha krime direitu umanu sira ne’e akontese iha Timor-Leste no hakerek akontesimentu hirak ne’e sai ba istória atu jerasaun foun sira hatene.

“Ba ha’u dehan katak sé de’it mak komete krime sériu iha Timor-Leste nia bele mai, enkuantu ha’u dehan ema ida la kaer. Ita rai-na’in ita mak manda, la’ós ema seluk mak manda fali ita rai-na’in tenke kaer ida ne’e para estraga ita-nia relasaun. Ita Timor-Leste, Indonézia no Austrália labele husik malu tenke metin nafatin”, deklara Lere.

Entretantu tuir Reuters, atual Ministru Defeza Indonézia, Prabowo Subianto, iha semana kotuk durante loron haat halo vizita ba iha Pentagon Estadu Unidu Amérika. Iha vizita ne’e, média Estadu Unidu Amérika sira kestiona vizita husi Prabowo nian ne’e. Iha loron 15, fulan ne’e, média Reuters publika artigu ida ho títulu “Pentagon prepara atu simu Ministru Indonéziu, maske preokupasaun kona-ba direitu” iha inglés dehan “Pentagon prepares to welcome once-banned Indonesian minister, despite rights concerns”.

Iha notísia Reuters ne’e dehan, antigu komandante ho idade 68 ba forsa espesial Indonézia ne’e hanesan kontroversial iha Indonézia, akuzadu  envolve iha krime militar iha fatin sira hanesan Timor-Leste, maibé nia la prezu tuir defensór direitu umanu sira. oct

Lee hotu :   Durante iha funu laran, Lere: Xanana Gusmão terus liu ami

Add to Comments Here!!!!

error: Content is protected.
Secured By miniOrange
You might also like:
COVID-19 lori Governu investe barak iha setór produtivu

Ministru Prezidénsia Konsellu Ministru (MPKM), Fidelis...

KAK kontinua investiga ireguladidade konstrusaun ró Haksolok

Komisáriu Komisaun Anti Korupsaun (KAK), Sérgio...

LH: Laiha duvida Governu foti osan husi FP

Diretór Ezekutivu Organizasaun Naun Govermentál (ONG)...

Close