JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ekipamentu iha Aeroportu menus, Trafikante uza TL sai fatin tránzitu ba droga

Ekipamentu iha Aeroportu menus, Trafikante uza TL sai fatin tránzitu ba droga

Diretór Ezekutivu Fundasaun Mahein (FM), João Almeida, konsidera Timor-Leste sai hanesan  fatin tránzitu ba droga, tanba menus ekipamentu hodi detekta ai-moruk sira ne’e iha Aéroportu Internasionál Nicolau Lobato.

João Almeida hato’o lia hirak ne’e relasiona ho droga  ne’ebé mak trafikante sira sempre lori tama liu husi aeroportu no sai ba Indonézia liu husi fronteira terestre, hafoin detekta fali iha Indonézia.

Tanba ne’e, João Almeida husu ba autoridade seguransa atu ho rigór kontrola iha fronteira terestre no portu, atu nune’e droga ne’ebé mak tama liu ona aeroportu, labele sai fali ba Indonézia. Autóridade seguransa presiza halo kedas atuasaun hodi halo detensaun ba  ema sira  ne’ebé mak lori droga ne’e.

“Timor-Leste hanesan trázitu, porque kazu sira ne’ebé mak autoridade seguransa sira identifika kaptura no prende no kazu sira hanesan halo destroisaun ne’e hotu-hotu mai husi rai-liur, tantu husi Médiu Oriénte, Áfrika no ninia objetivu ba Indonézia. Tanba  Indonézia nia kontrolu ne’e rigór iha pontu sira éntrada ninian, entaun sira utiliza Timor-Leste hanesan dalan tránzitu atu liu ba sira-nia objetivu, primeiru ita-nia koñesimentu ne’e rasik, segundu ekipamentu ne’ebé mak ita iha sei menus teb-tebes. Terseiru ita iha intensaun ruma atu fasilita, buat sira ne’e hotu sai preokupasaun ba ita hotu nia sosiedade”, Diretór Ezekutivu FM ne‘e ba  GMN, Sesta (20/11/2020), iha  Fomento-Díli.

João Almeida, hateten, iha kazu droga balun identifika iha aeroportu, maibé tanbasá mak la komunika, ikus mai  balun prende, balun la prende no balun semo liu.

“Kazu hanesan kazál ne’ebé mak iha hela Indonézia kumpre hela senténsa ne’ebé mak Indonézia hasa’i, porque husi parte ita nian la identifika, maibé depois liu tiha ita-nia área mak foin identifika, iha kazu kazál ne’e tama iha sistema checking ninian iha ne’ebá xray detekta duni, maibé tanba sá mak la prende, iha kazu ida ne’e iha ita-nia área. Tanba ne’e ita dehan keta iha intensaun ruma, tanba ne’e mak presiza hadi’a buat sira ne’e hotu, liu-liu ita nia koñesimentu, ekipamentu no fasilidade sira ne’ebé mak tulun. Tanba sé bainhira ita menus ba buat sira ne’e hotu hanesan kazu atuál, trafikante sira uza ita-nia rai hanesan atu liu ba sira nia objetivu”, dehan Diretór Ezekutivu FM ne‘e.

João Almeida mós husu ba Governu atu  investe ekipamentu iha aeroportu, oinsa fásil detekta droga ne’ebé tama iha nasaun ne’e, ho nune’e labele estraga jerasaun foun sira.

Entretantu iha Kinta, loron 19, fulan Novembru ne’e, Ministériu Públiku ho Polísia Nasionál Servisu Investigasaun Kriminál destrói droga ho tipu metanfimina ho nia kilograma 3.253, iha Hospital Nacional Guido Valadares, Mortuáriu nia kotuk. avi

Lee hotu :   Filomeno Paixão kondena suspeitu lori motor tama aeroportu-laran

Add to Comments Here!!!!

error: Content is protected.
Secured By miniOrange
You might also like:
Ilídio Ximenes: Polítikamente reasaun deputadu FRETILIN nian normal

Embaixadór Timor-Leste ba Japaun, Ilídio Ximenes,...

PN sei debate OJE 2021 iha fim Novembru

Sekretária meza Parlamentu Nasionál (PN), Lídia...

Tinan 28 kapturasaun komandante em chefe das FALINTIL Xanana Gusmão

Loron 20, fulan Novembru, tinan 2020...

Close