JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Gasta osan barak iha RAEOA laiha rezultadu, MNDK husu MP investiga Mari Alkatiri

Gasta osan barak iha RAEOA laiha rezultadu, MNDK husu MP investiga Mari Alkatiri

Movimentu Nasionál Defende Konstituisaun (MNDK) RDTL, husu Ministériu Públiku (MP) atu imparsiál hodi halo investigasaun ba eis Prezidente Rejiaun Administrativa Espesiál Oe-Cusse Ambeno (RAEOA), Mari Alkatiri, kona-bá osan USD millaun 700 ne’ebé nia fakar ona iha RAEOA durante mandatu, maibe rezultadu laiha.

MNDK RDTL mós husu MP atu imparsiál mós iha servisu hodi halo investigasaun ba Mari Alkatiri, liu-liu kona-bá Ró Haksolok, tanba ró ne’e gasta orsamentu povu Timor Leste nian, maibé nunka mai Timor-Leste to’o ohin loron.

“MNDK RDTL husu atu halo investigasaun ba rezultadu inspesaun ne’ebé halo rasik husi Mari Alkatiri kona-bá osan USD millaun 700 ne’ebé durante tinan haat nia laran ukun nu’udar Prezidente RAEOA uza halo konstrusaun ZEESM-RAEOA, maibé konstrusaun barak la hotu, halo investigasaun kle’an no justu hasoru problema Ró Haksolok ne’ebé tuir tempu nia tenke to’o ona iha Timor. Maibé tanba saída mak Oitavu Governu defaktu kontinua husu osan Estadu Timor nian atu suporta ema seluk nia kompañia ne’ebé bankarota ona. MNDK mós husu atu halo investigasaun kle’an hasoru funsionáriu no Prezidente autoridade RAEOA (Arsénio Bano) ne’ebe halo desprezu hasoru sarani, padre Igreja Katólika iha Oe-Cusse, husu MP, PNTL, PCIC, CAC la-lais halo investigasaun profunda hasoru Mari Alkatiri kona-bá Ró Haksolok ne’ebe selu ona 100%, maibé to’o ohin loron Ró Haksolok laiha”, deklara Prezidente MNDK RDTL, Cornelio Barros ba jornalista sira, Domingu (29/11/2020) iha Díli.

Tuir Cornelio, MNDK RDTL hato’o preokupasaun ne’e, tanba tuir movimentu nia haree durante Mari Alkatiri nia mandatu tinan haat iha RAEOA laiha rezultadu pozitivu hadi’a povu nia moris, inklui Ró Haksolok ne’ebe to’o ohin loron la mosu mai Timor-Leste.

MNDK RDTL mós husu ba Prezidente Repúblika (PR) Francisco Guterres “Lú Olo” atu proteje Konstituisaun RDTL, nune’e nasaun bele forte liu tan.

Movimentu ne’e mós konsidera impase polítiku ne’ebé dura kleur iha nasaun doben ne’e sei halo povu moris terus liu tan, tanba Timor-oan rasik mak hakarak estraga nia nasaun rasik. aba

Lee hotu :   Ba futuru edifísiu PN muda ba Hera

Add to Comments Here!!!!

error: Content is protected.
Secured By miniOrange
You might also like:
CNRT: PR Lú Olo curhat nia erru iha diskursu 28 de Novembro

Bankada CNRT konsidera Prezidente Repúblika (PR),...

Komunidade Lacluta sunu sasán sesta bázika tanba la tuir presu merkadu

Sasán ba sesta bázika ne’ebé Centro...

PN hahú diskute OJE 2021 billiaun USD 1.895, PM Taur: Sei fó resposta ba dezafiu sira

Deputadu Kinta Lejislatura Parlamentu Nasionál (PN)...

Close