JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu promove Lere ba Tenente Jenerál

Governu promove Lere ba Tenente Jenerál

Konsellu Ministru (KM) iha Kuarta (24/11/2020) aprova ona projetu deliberasaun ne’ebé aprezenta husi Ministru Defeza (MD), Filomeno da Paixão de Jesus, hodi propoin ba Prezidente Repúblika (PR), Francisco Guterres “Lú Olo”, relativu ba promosaun patente alta sira militár nian tuir estatutu foun militár FALINTIL-Forsa Defeza Timor-Leste (F-FDTL). Nune’e, Governu delibera hodi propoin ba Xefe Estadu hodi promove Majór-jenerál Lere Anan Timur ba Tenente Jenerál F-FDTL.

Ministru Prezidénsia Konsellu Ministru (MPKM), Fidelis Magalhães, hateten, promosaun ne’e hanesan esforsu maka’as atu profisionaliza liu tan F-FDTL, tanba F-FDTL ne’e relativamente foun no promosaun sira ne’e konstitui esforsu Governu nian atu hadi’a liu tan F-FDTL.

“Tamba ita boot sira hatene katak hirarkia militar ne’e, liu-liu relasaun ho promosaun sira nune’e mós iha relasaun direta ho númeru forsa sira. Entaun lideransa ne’e define husi ita bele dehan husi kompozisaun forsa ne’ebé ita iha, maibé iha KM ohin hanoin katak alénde motivu sira seluk, maibé ita hakarak atu moderniza la-lais ita nia forsa defeza, entaun ita prezisa dudu ho inisiativa sira hanesan ne’e, tanba iha intensaun ida husi MD iha planu atu avansa ho rekrutamentu atu aumenta tan divisaun sira”, MPKM ne’e.

Alénde Lere Anan Timur, Governu mós delibera hodi propoin ba Xefe Estadu, promosaun ba Brigadeiru-Jenerál Domingos Raúl (Falur Rate Laek) ba Majór-Jenerál, Koronel Calisto dos Santos Coli (Coliati) ba Brigadeiru-Jenerál no Kapitaun-de-mar-e-guerra, Donaciano da Costa Gomes (Pedro Klamar Fuik) ba Komodoru Komponente Naval.

“Entaun importante maka dudu ona sira ne’ebé iha topu ierárkiku ne’e atu bele sa’e tan atu bele sa’e tan, atu nune’e sira mós bele ko’alia ho país sira seluk. Tanba hanesan ita hotu hatene katak iha militar ne’e, wainhira Xefe Estadu Maior ida mak deviza koronel susar tebes atu tur iha meza ida no diskute ho parseiru nasaun seluk nian ne’ebé dalabarak ne’e jeneral sira. Tanba kulutra ierárkiku militar ida ne’e no mós ita iha intensaun ida atu intensiva ita ninian kapasidade Forsa Defeza rasik mak konsidera katak apropriadu ita avansa ho promosaun ida ne’e. Depois iha oin mai, MD no F-FDTL klaru ho mós ita Prezidente Repúblika hanesan Komandante Supremu sei tau preokupasaun hirak relasiona ho forsa defeza ne’e”, tenik Fidelis.

Projetu Deliberasaun ne’e sei haruka ba PR Lú Olo hodi dekreta antes halo promosaun devisa ba patente alta F-FDTL. oct

Lee hotu :   Manifestasaun semana oin, BOP preparadu hasoru manifestante MUTL

Add to Comments Here!!!!

error: Content is protected.
Secured By miniOrange
You might also like:
MTK seidauk prontu fó deklarasaun kona-bá dentensaun ba jerente Telemor-Elite Computer

Ministru Transporte no Komunikasaun (MTK), José...

Kompañia Lifetech fornese tan internet ilegál ba Telemor

Polísia Nasionál Servisu Investigasaun Kriminal (PNSIK) no...

Reklamante suku Comoro konsidera MSSI inkapasidade solusiona USD 200

Benefisiáriu USD 200 suku Comoro konsidera...

Close