JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Aumenta PNTL & F-FDTL iha fronteira

CNRT: Aumenta PNTL & F-FDTL iha fronteira

Reprezentante povu iha uma fukun Parlamentu Nasionál (PN), liu-liu bankada CNRT sujere atu iha estensaun Estadu Emerjénsia (EE) ba dala 10  ne’e, tenke aumenta membru PNTL no F-FDTL hodi kontrola sidadaun tama-sai ilegál iha fronteira, nune’e bele evita propagasaun COVID-19 iha Timor-Leste.

“Ha’u hanoin karik situasaun ne’ebé akontese iha ita-nia viziñu Indonézia ida ne’e ameasa boot ba ita, ita bele estende EE ho hanoin sira iha fronteira tenke haree fali situasaun ne’e reforsa hosi parte militár. Ha’u hanoin hosi polísia sesaun ida kada ema na’in 5. Ita presiza tan membru na’in 100 atu reforsa seguransa iha fronteira, ami haree postu sira ne’e dook, ita reforsa hosi halo pos provizóriu sira ne’e, nune’e reforsa membru sira ba fronteira, tanba ita haree COVID-19 hanesan moras importadu, nune’e reforsa seguransa iha fronteira bainhira mai hosi legál kontroladu no ladún perigu,  maibé ita tauk mak tama-sai ilegál sira ne’e”, Xefe bankada CNRT, Duarte Nunes ba GMN iha PN, Kinta (21-01-2021).

Deputadu bankada opozisaun ne’e hatutan, bainhira Governu aumenta seguransa iha fronteira tenke iha mós fasilidade ba membru seguransa no aumenta subsídiu hodi sira bele servisu ho hakmatek atu garante seguransa ba komunidade.

“Fasilidade sira ne’ebé mak seguransa sira presiza mak farda, subsídiu máskara, ekipamentu protesaun COVID-19, nune’e membru seguransa sira labele afetadu ba COVID-19, bainhira sira mak afetadu ida ne’e perigu, tanba ne’e Governu tenke ho kuidadu. Iha fronteira situasaun apertadu populasaun sira ne’ebé hela iha fronteira tenke buka fatin ba sira, bele sees hosi ne’ebá, nune’e forsa de’it mak iha oin parte kotuk ladún iha problema fila-fali ba antes. Ita presiza atu rekupera ekonomia ita servisu iha kotuk liña tenke metin, ita fó asistente sira iha oin bainhira iha ona vasina uluk mak iha fronteira ne’e. Bainhira populasaun sira iha fronteira dalaruma hamlaha presiza asisténsia, Governu presiza buka hatene, nune’e evita sidadaun hakat ba fronteira“, dehan Duarte.

Deputadu bankada PD, Adriano do Nascimento, reforsa, Governu presiza duni halo estensaun EE, tanba iha nasaun viziñu Indonézia kada loron kazu COVID-19 aumenta ba bei-beik.

“Ha’u pesoál halo estensaun ne’e di’ak liu tan, tanba moras besik ona Suai ema mate naba-naban, ita tenke halo duni hanesan ne’e, tanba problema mak ne’e to’o agora matenek iha mundu seidauk hatán  nia ai-moruk vasina, só atu prevene de’it tama iha isin laran labele estraga ita-nia isin. Maske implementasaun EE, maibé esdutante sira kontinua hala’o aprendizajen, tanba ne’e Governu presiza atu halo estudu ne’ebé di-di’ak, tanba COVID-10 to’o ona Betun-Indonézia. Agradese ita seidauk mate, sé mate ita sira ne’e hala’i rungu-ranga hotu ekonomia la’ós Timor nian de’it, maibe mundu tomak paradu, ho nune’e agradese ba Maromak ho rai-lulik, tanba moras ne’e seidauk da’et iha Timor laran“, tenik deputadu bankada PD.

Entretantu iha loron 20, fulan Janeiru, tinan 2021, Governu liu husi reuniaun Konsellu Ministru (KM) deside propoin ba Prezidente Repúblika (PR), Francisco Guterres “Lú Olo” atu estende tan EE ba dala 10. Governu foti dezisaun ne’e, tanba haree ba mudansa preokupante husi situasaun epidemiolójika no proliferasaun ba kazu rejistradu sira husi kontájiu COVID-19 iha nivel rejionál no mós iha nivel mundiál, atu evita no neutraliza risku sira husi propagasaun SARS-CoV-2.

Iha loron 30, fulan Dezembru, tinan 2020 liu ba PR liu husi dekretu Prezidensiál Númeru 73/2020, dekreta ona estensaun EE ba da-sia. Dekretu Prezidensiál ne’e vigora husi loron 3, fulan Janeiru to’o loron 1, Fulan Fevereiru, tinan 2021. ety

Lee hotu :   Semináriu sientífiku iha UNPAZ, Julio Crispim: VIII Governu laiha kapasidade jurídika

Add to Comments Here!!!!

error: Content is protected.
Secured By miniOrange
You might also like:
MF-RAEOA asina protokolu transferénsia osan

Ministériu Finansa (MF) hamutuk ho autoridade...

Arsênio: “Ró Haksolok la mai, ha’u prontu responsabiliza”

Prezidente autoridade Rejiaun Administrativa Espesiál Oe-Cusse...

PN ezije Governu kombate pesti Tentara

Xefe bankada CNRT, Duarte Nunes, ezije...

Close