JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vise MI rejeita ezonera KomJer PNTL

Vise MI rejeita ezonera KomJer PNTL

Vise Ministru Interior (MI), António Armindo, rejeita halo proposta ezonerasaun ba atuál Komandante Jerál (KomJer) Polísia Nasionál Timor-Leste (PNTL), Faustino da Costa hanesan informasaun ne’ebé espalla iha públiku.

Governante ne’e hateten, ema ne’ebé iha kompeténsia ko’alia kona-bá ezonerasaun KomJer PNTL mak Ministru Interior hanesan mós Primeiru Ministru (PM).

“Ida ne’e média mak ko’alia no ha’u la ko’alia. Tanba ne’e la’ós kompeténsia ha’u nian, ne’e kompeténsia Ministru no PM, nia mak iha kompeténsia atu ko’alia kona-bá ida ne’e, ha’u ajuda hodi halo servisu, informasaun ne’e ha’u seidauk ko’alia no ha’u la hatene”, dehan António Armindo hafoin halo enkontru ho PM, Taur Matan Ruak, iha Palásiu Governu, Sesta (15-01-2021).

Antes ne’e, Xefe Governu Taur ne’ebé hanesan Ministru Interior mós rejeita espekulasaun ne’ebé espalla iha públiku katak, Governu sei ezonera atuál KomJer PNTL, Komisáriu Faustino da Costa.

Antes ne’e, Faustino da Costa hanesan Segundu Komandante PNTL, nune’e iha loron 13, fulan Marsu, tinan 2019, liu husi Konsellu Ministru (KM) nomeia nia nu’udár KomJer PNTL ba mandatu tinan haat, husi 2019 to’o tinan 2023, hodi subtitui Julio da Costa Hornay.

Proposta rezolusaun Governu ne’e, aprezenta husi Ministru Interior em Ezersísiu, Filomeno da Paixão de Jesus.

Sosiedade sivíl: Diak liu PM ezonera mak VMI

Sosiedade Sivíl husu ba Primeiru Ministru (PM), Taur Matan Ruak atu ezenora mak Vise Ministru Interiór (VMI), António Armindo, tanba hasa’i opiniaun la tuir regra normal Estadu ninian.

Komisáriu Faustino da Costa nomeia ba Komandante Jerál (KomJer) PNTL iha  fulan Marsu, tinan 2019, liu husi reuniaun Konsellu Ministru (KM) la’ós nomeia husi desizaun pesoál.

Tanba ne’e organizasaun sosiedade sivíl, liu  husi Fundasaun Mahein konsidera, opiniaun Vise Ministru Interiór kona-bá ezonera KomJer PNTL, Komisáriu Faustino la refleta ba regra, basá PM rasik laiha koñesimentu.

“Liga ba Komisáriu Faustino da Costa, ita hotu akompaña líder figura foun ida iha PNTL, ida ne’e espetativa sidadaun sira nian, líder sira nian ba Komisáriu Faustino da Costa, aas tebes katak ho lideransa, Komisáriu Faustino da Costa bele halo mudansa buat ruma liga ho dezenvolvimentu PNTL nian. Tanba ne’e laiha razaun, tanba atu prepara líder ida hanesan Komisáriu Faustino da Costa ou atu prepara Polísia ida to’o komisáriu ne’e la fásil hanesan señor VMI ko’alia kona-bá ninia ezonerasaun. Tanba ne’e tuir Fundasaun Mahein diak liu ezonera VMI do que KomJer PNTL”, Diretór Ezekutivu Fundasaun Mahein, João Almeida ba GMN Sesta (15/01/2021), iha Fomentu-Díli.

João dehan, kompeténsia VMI tuir despaixu PM nian limite iha de’it asuntu balun, kompeténsia Visé nian atu halo desizaun ezemplu liga ho asinatura feria no viatura.

“Iha akizasaun armas mós laiha kompeténsia VMI nian, sá tan ezonera ba KomJer PNTL, laiha kompeténsia legál, polítika ne’e hatudu katak, indisiplinadu”, dehan Diretór Ezekutivu Fundasaun Mahein.

Tuir rejime promosaun PNTL nian mandatu KomJer no segundu KomJer tinan haat, hahú iha fulan Marsu, tinan 2019 no sei remata iha fulan Marsu, tinan 2023 no bele renova dala ida tan. ida/avi

Lee hotu :   Pedro Belo ba KON, Euclides komanda fali PNTL Díli

Add to Comments Here!!!!

error: Content is protected.
Secured By miniOrange
You might also like:
MOP: Problema Traballadór Seguransa Lorosa’e resposanbilidade kompañia

Ministériu Obras Públika (MOP) konsidera problema...

Arguidu rua husi Liran TECK submete ona ba PI

Polísia Nasionál Servisu Investigasaun Kriminál (PNSIK)...

Pasiente COVID-19 sidadaun Indonézia evakua ona ba Austrália

Pasiente pozitivu Corona Virus Disease 2019 (COVID-19)...

Close