PNTL asegura sidadaun 154 iha kuarentena

Segundu Komandante Polísia Nasionál Timor-Leste (PNTL) Munisípiu Díli Superintendente Euclides Belo, hateten, tuir dadus ne’ebé mak sira rekolla, total  sidadaun ne’ebé mak kuarentena 154, kompostu husi feto no mane.

 “Iha Díli kuarentena Luxury iha pasajeiru  na’in  20, mane 15 no feto  na’in 5, dadus sira ne’e ami hetan  husi ami-nia membru ne’ebé mak koloka iha fatin kuarentena. Iha justifikasaun katak,  pasajeiru ida tama iha kuarentena Luxury, maibé  ida mak tama illegal, iha Carlamensen iha ema  iha ema na’in 11,  ne’ebé iha mane na’in 9, feto na’in 2, Timor-oan hotu.  Sira mai Timor liu husi dalan ne’ebé mak ilegal. Nune’e mos iha otél Citatama iha  ema na’in 8  ne’e sidadaun Indonézia  ne’ebé mak tama, mesak  mane  hotu de’it.  Antes sira mai ho ro, iha Novo Horizonte  nian, iha ema  na’in 42, ho nia justifikasaun mane 27, feto 15, iha mós sidadaun Indonézia ida, iha otél Timor Auto, kuarentena iha 13, mane na’in 9, feto na’in 3, iha otél Fun Beach iha ema na’in 20, ne’ebé mane iha na’in 11, feto na’in 9, iha otél Beach Garden  iha ema na’in 6, mane 4 no feto 2, otél Nova Costa iha mane ida, auto kuarentena iha rezidénsia Embaixada Vaticano nain ida, iha izolamentu Vera-Cruz 21, total iha Díli iha 154”,esplika Segundu Komandante PNTL Díli Superintendente Euclides Belo, ba GMN Tersa (24/02/2021), iha Caicoli.

Euclides Belo dehan, ba sidadaun sira ne’ebé mak auto kuaréntena kontrola diretamente husi dotór sira.

“Ita la kontrola seguransa ba iha  auto kuaréntena sira, maibé  ita halo seguransa ida ne’ebé la permanente, maibé  ita kontrola”,dehan Euclides Belo.

Euclides  Belo, apela mós ba komunidade sira ne’ebé hala’o movimentu ho kareta no motorizada tenke uza máskara, no fase liman bebeik, hodi  hala’o prevensaun ba surtu COVID-19.avi