PJR: Levantamentu imunidade ba Deputadu CNRT 21, kompeténsia iha Tribunál

Prokuradór Jerál Repúblika (PJR), José da Costa Ximenes, konfirma, levantamentu ba imunidade deputadu bankada CNRT nian la’os Ministériu Públiku (MP) mak halo, maibé ne’e servisu Tribunál Primeira Instánsia nian.

Konfirmasaun ne’e PJR hato’o relasiona ho keixa ne’ebé hato’o husi Sekretáriu jerál Partidu FRETILIN, Marí Alkatiri hasoru bankada Kongresu Nasionál Rekonstrusaun Timor Leste (CNRT-Sigla Portugés) no dadaun ne’e  iha hela faze inkéritu iha Ministériu Públiku (MP).

Kona-ba kazu ne’e, foin dadaun, Prezidente Parlamentu Nasionál, Aniceto Guterres, deklara katak, Parlamentu hein deit pedidu husi Ministériu Públiku, kona-ba imunidade Deputadu 21 husi bankada CNRT.

 “Koalia kona-ba imunidade ne’e iha Tribunál, iha faze de inkéritu laiha imunidade, ita la koalia kona-ba imunidade. Levantamentu imunidade ne’e bainhira iha ona Tribunál, sei iha faze inkéritu orsida prokuradór titular mak sei notifika sira”,hateten Prokuradór Jerál Repúblika, José da Costa Ximenes, hafoin remata asina MoU ho UNICEF iha edifisiu MP Colmera (02/03).

Keixa ne’ebé Marí Alkatiri hato’o ba Ministériu Públiku ne’e, relasiona ho akuzasaun husi Bankada CNRT katak, dokumentu balun ne’ebé aprezenta hosi empreza Oceanic Exploration, no empreza ConocoPhillips katak, entrega osan USD USD 2.5 ba Marí Alkatiri, durante negosiasaun tratadu tasi Timor iha tinan 2002-2003. San