JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Ami nunka nega Maun Xanana

Lere: Ami nunka nega Maun Xanana

Xefe Estadu Maíor Jenerál  F-FDTL Tenente Jenerál, Lere Anan Timur, hateten, sira nunka atu nega eis komandante em xefe FALINTIL, Kay Rala Xanana Gusmão, tanba ne’e kultura ona dezde funu kontra okupasaun Indonéziu iha ai-laran.

Tuir Lere, Xanana terus tinan barak ona iha ai-laran no tama kadeia  iha Cipinang-Indonézia, ikus mai ba toba iha resintu izolamentu Verra- Cruz, nahe de’it biti iha estrada, tanba  hakarak hadia sistema atendimentu  ekipa Ministériu Saúde ba komunidade  relasiona ho COVID-19.

 “Xanana ne’e ita nia maun, maun ne’e ita nunka nega, ne’e bele oinsá ne’e kultura ona, aman bele moras a’at ka  bele na’ok ten ka, dehan aman ne’e aman, kestaun seluk oin seluk. Ne’e mak ha’u hanoin kestaun seluk ha’u labele koalia barak, agora ita-nia maun sira atu hadomi ita-nia povu ida ne’e, ita-nia rai ida ne’e, ita ukun objetivu mak fó liman ba malu, se não terseira pessoa  aproveita”,esplika Xefe Estadu Maior Jenerál  F-FDTL Tenente Jenerál Lere Anan Timur, ba jornalista GMN Sesta (16/04/2021), iha Kuartel Jenerál, Fatuhada, Díli.

Lere dehan,  iha ne’e nia la koalia  kona-ba área polítika, maibe atu koalia kona-bá realidade.

“Purizemplu tanbasa  mak maun Abilio Araújo, Maun Rogério Lobato kritika Mari, ne’e sira enkosta ema ruma. Ne’e mak ha’u hanoin katak, ita sei  nune’e nafatin, ita nia matebian sira tanis”,dehan Lere.

Lere dehan, nia  hala’o vizita  hodi hasoru Xanana iha sala izolamentu  Verra-Cruz  iha Tersa (13/04/2021), tamba hare’e Xanana toba de’it iha estrada ho biti.

“Ha’u hadomi  Maun Xanana, uluk  iha ai-laran han iha bikan ida, ami na’in rua toba iha ai-tahan ida, ami na’in rua toba ai-hun ida  nia okos, kuandu nia toba fali iha ne’ebá ne’e ha’u dehan maun, ami sira toba iha kulsaun,  maun ba toba fali iha luron hanesan ne’e, ita hanoin barak. Ne’e mak  ita núdar ema buka hasoru malu. Hanesan bain-bain ha’u dehan diálogu ne’e mak úniku  atu rezolve difirénsias, atu rezolve problemas, rezolve buat hotu-hotu mak importante”,dehan Lere.

Lee hotu :   Komandu PNTL fó suspensaun ba membru UPF ne’ebé baku KPK

Lere mós husu líder nasionál sira presiza buka malu hodi hala’o diálogu  nune’e bele hakotu impase polítiku iha rai-laran.

“Ami mai husi ai-laran mak ukun, ida Primeiru Ministru ida Prezidente Repúblika, ida Xefe Estadu Maiór Forsa armada, mas aman mak Xanana. Ne’e mak ha’u hanoin ami mak tenke buka malu, Porque ha’u labele hanorin sira, sira ne’e matenek liu ha’u, ha’u núdar militár hatene saída mak militár”,dehan Lere.

Tenente Jenerál  fitun tolu ne’e akresenta,  momentu iha situasaun difisil Lú Olo, Taur sempre hamutuk ho Xanana, hodi luta ba  Timor-Leste  hodi hetan independénsia.

Lere  mós husu ba ema sira ne’ebé mak  durante ne’e hakbesik a’an ba iha líder nasionál sira atu hatudu konsiénsia, la’ós ba konsellu fali líder sira, ba interese privadu.avi

Add to Comments Here!!!!

error: Content is protected.
Secured By miniOrange
You might also like:
Família matebian FG husu Governu tau-matan ba rate iha Metinaro

Família matebian Francisca Gama, Sesta ne’e...

Somotxo: Ha’u laiha intensaun atu ameasa povu

Prezidente Komisaun B  ne’ebé trata asuntu...

PM Taur: SIJK reprezenta ha’u koalia ho Maun Xanana ■Husu deskulpa ba família matebian FG

Primeiru Ministru (PM), Taur Matan Ruak,...

Close