JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Osan seguransa sosial hamutuk millaun US$40 iha BCTL • MSS komesa prosesa traballador 200

Osan seguransa sosial hamutuk millaun US$40 iha BCTL •	MSS komesa prosesa traballador 200

Diretora Nasional Regime Kontributivu Seguransa Sosial husi Ministeriu Solidaridade Sosial no Inkluzaun, Aida Maria Soares Mota dehan fundus seguransa sosial trabalhador sira nian, asegura hela iha Banco Central Timor-Leste (BCTL).

Tantu lala’ok transferénsia fundus seguransa sosial ne’ebé koa automátikamente husi empreza ba trabalhador sira tama iha Banco Comersial ne’ebé eziste iha Timor-Leste, nune’e banku hirak ne’e mak halo transferénsia automátika ba BCTL.

“To’o oras ne’e, osan husi seguransa sosial ne’ebé transfere ona ba BCTL hamutuk US$40.000.000, kompostu husi osan empreza privadu 505 ne’ebé implementa ona seguransa sosial ba sira nia trabalhador hamutuk ema nain 20.000 no valor osan ne’e mós sura ho kontribuisaun husi instituisaun públiku ne’ebé rejistu ona ba rejimi seguransa sosial ho total trabalhador nain 450.000.

Dau-daun ne’e, ami simu mós pedidu husi trabalhador sira hamutuk nain 200 atu selu prestasaun ba idade reforma, balun ba lisensa paternidade, lisensa maternidade no subsídiu pur morte,” esplika diretora nasional regime kontributivu seguransa sosial, Maria Soares Mota ba JNDiario foin lalais ne’e iha nia kna’ar fatin, Caicoli-Dili.

Nia afima, MSSI mós fulan-fulan simu relatóriu husi BCTL kona-ba balansu fundus seguransa sosial, ida ne’e sai hanesan referénsia ba MSSI atu kontrola empreza sira ne’ebé aplika ona rejimi kontributivu seguransa sosial ne’e hodi kumpri sira nia dever ka lae.

“Kuandu empreza ida halo aplikasaun no implementa regime kontributivu seguransa sosial ne’e mak iha sistema ne’e kada trabalhador iha kedas númeru inskrisaun sosial (NIS) ne’ebe kompañia mós iha no ita mós iha, husi númeru ne’e mak komprova katak trabalhador ne’e sai benfisiáriu ba seguransa sosial no la taka dalan ba trabalhadu atu mai hakebsik-an iha direasaun seguransa sosial hodi husu esplikasaun ba asuntu ne’e no dadaun ne’e fundus sira iha iha hela BCTL, agora liga ba jere ka investimentu ne’e kuandu lei ne’e iha eskreve kedas mós atu hari instituisaun ida hodi jere fundus ne’e, maibé agora kestaun ne’e desizaun Governu no ita hein deit bainhira mak implementa,’’ afiram Aida.

Lee hotu :   Fó pose ba ekipa rekuperasaun ekonomia, PM Taur: Presiza normaliza fali ekonomia rai-laran

Nia rekoñese seguransa sosial ne’e hanesan asuntu foun ida iha Timor-Leste, tanba ne’e ema barak seidauk komprende no seidauk abitua, maibé hakarak ka lakohi sedu ou tarde empreza privadu no públiku tenki obdese tanba hatuur ona iha lei.

Maibé nia esplika klean liu tan katak, regime kontributivu seguransa sosial ne’e molok implementa, Diresaun Seguransa Social MSSI, halo ona sosializasaun liu husi publikasaun iha média eletrónika no hasoru malu direta ho empregador  no mós trabalhador, maibé la másimu tanba Timor-Leste infrenta hela impasse polítiku durante tinan ida.

“Iha tinan kotuk antes implementa, ita konvida hotu empregador sira mai MSSI hodi halo esplikasaun ba asuntu ne’e, maibé saida mak akontese empreza barak la mósu no ita hasai konvite bebeik mós la mai no ita cek fali iha lista prezensa ne’e sira ne’ebe mai ne’e mak mai hela deit ida la mai ne’e kontinu la atende konvite, no husi empreza sira ne’ebe nunka mai ne’e mak la iha informasaun klean nune’e sira seidauk implementa, maibé ita espera empreza sira hotu bele iha vontade diak mai hakbesik-an ou kontaktu direta mai ami hodi nune’e ami bele tun direta ba sira nia fatin halo sosializasaun, tanba ne’e  ami nia servisu,’’esklarese Aida.

Iha sorin seluk, Ministra Solidaridade Sosial no Inkluzaun (MSSI), Armanda Berta dos Santos haforsa lei seguransa sosial, vigora tiha ona desde tinan 2017, nune’e empreza privadu ho empreza públiku hamutuk 20.000 mak hatama ona aplikasaun hodi implementa rejimi kontributivu seguransa sosial.

“Lei ne’e implementa ona iha tinan kotuk ne’e, agora ita hare deit ona nia prosesu implementasaun,’’ dehan Ministra Armanda.

Lee hotu :   F-FDTL LA BELE METE POLÍTIKA • FM HUSU MAJEN LERE REDUS NIA 'KARAKTER POLÍTIKA'

Atu asegura aplikasaun seguransa sosial ne’e ho efikasia, MSSI servisu hamutuk ho Sekretária Estadu Formasaun Profesional no Empregu (SEFOPE) liu husi diresaun inspesaun jeral traballu hodi halo monitorizasaun pro-ativa.

MSSI mós hasai tan aviza no deliberasaun ba instituisaun Estadu ho empreza privadu sira hotu  iha territóriu Timor laran tomak atu obrigatóriu halo aplikasaun ba rejimi kontributivu seguransa sosial to’o fulan ikus Outubru, tinan ne’e. nia

Add to Comments Here!!!!

error: Content is protected.
Secured By miniOrange
You might also like:
FRETILIN kontinua preokupa ho dívida

Xefi Bankada FRETILIN, Aniceto Guterres, informa,...

PSIK prosesa kazu krimi informatika 12

Desde Janeiru to’o Setembru, tinan ne’e,...

GMN ho RTTL.EP rejista ona seguransa social

Instituisaun Komunikasaun Social husi Grupo Media...

Close