JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TL sosa asaun 30% husi ConocoPhilips, Alkatiri kongratula Xanana

TL sosa asaun  30% husi ConocoPhilips, Alkatiri kongratula Xanana

Sekretariu Jeral partidu historiku FRETILIN, Mari Alkatiri, fo parabens ba Xefi Negosiador Fronteira Maritima nudar mos prezidenti partidu Congresu Nasional Rekonsrusaun Timorense (CNRT), Kay Rala Xanana Gusmão, ne’ebé lori Timor Leste sosa ona asaun 30% husi kompañia esplorador minan ChonocoPhilips.

Komandante em Xefe das FALINTIL, Kay Rala Xanana Gusmão, Sesta (28/09/2018), iha Bali-Indonezia, ofisialmente asina ona akordu ho ConocoPhilips hodi sosa asaun 30% husi kompañia interrnasional ne’ebé nia baze iha Estadus Unidos Amerika.

Sekretariu Jeral FRETILIN, Mari Alkatiri hato’o nia votus parabens ne’e wainhira halo abertura ba retiru partidu FRETILIN iha Munisipiu Viqueque, Sabadu (29/9/2018).

 Alkatiri husu ba timor-oan hotu, li-liu povu Beassu, Munisípiu Viqueque, atu  prepara-an, tanba lakleur tan sei dada kadoras  mina matan Greater Sunrise iha tasi laran mai rai maran Timor.

“Hau hader mai simu informasaun ida, hau hanoin Beassu bele prepara-an ba, simu informasaun ida dehan Timor-Leste rai ida riku boot ne’e atu sosa saham 30% husi ConocoPhilips, klaru bainhira informasaun ida mai hanesan ne’e hau hanoin tempu para ita kontenti, tanba ita bele iha saham iha explorasaun kampu Greater Sunrise,” hateten Mari Alkatiri.

Alkatiri hateten, bainhira kontenti, fo mos parabéns ba xefi negosiador Xanana Gusmão ho nia ekipa. “Hau hakarak hateten mos, tempu ba ita hotu la’os dereitu deit, ita iha obrigasaun, ita iha dever atu akompanha nafatin prosesu ne’e, atu aban bainrua labele dun malu, fo sala ba malu bainhira sasan la’o ladun diak karik, tanba ne’e maka hau dehan parabéns ita fo ba, maibe ita iha dereitu no dever atu akompanha nafatin, Beassu prepara-an ba, tanba sasan la’o diak hotu hanesan ita hakarak kadoras sei tun iha Beassu,” hateten Mari Alkatiri.

Lee hotu :   Xanana : Maromak no rai lulik maka la fo FRETILIN ukun

Financial Review iha Australia fo sai katak, Xefi Negosiádior prinsipál Mina no Gás oferese ona besik billaun US$5-liu, hodi sosa asaun 30% husi ConochoPilips  hodi hola parte iha sósiu mak kobre kustu dezenvolvimentu nian. Agora dadaun kompañia Shell iha 28.5%, Osaka Gas 10%, Woodside  34.5% no ConochoPilips 30%.

Negosiasaun Fronteira Maritima entre Timor-Leste ho Australia termina ona iha loron 6 Marsu 2018 iha Nova Iorke. Akordu ne’e asina husi Ministru Estado Asuntu Fronteira sira iha VII Governu Konstitusional, Agio Pereira, ne’ebe reprezenta Governu TL no Australia reprezenta husi Ministra Negosio Estranujeiro momento ne’eba, Julia Bishop. mia

Add to Comments Here!!!!

error: Content is protected.
Secured By miniOrange
You might also like:
Kona-ba auditoria TC, Alkatiri prontu tama kadeia

Prezidenti Autoridade Reziaun Administrativa Especial Oecusse-Ambeno...

Retiru FRETILIN iha Viqueque, Defini estratéjia kompete iha eleisaun 2023

Lideransa nasional no munuispiu husi partidu...

HABURAS VIDA ESPIRITUAL GMNTV Edisaun 40

Close