JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

APA iha vantajen bo’ot ba TL  Presiza diskusaun klean antes sai membru

APA iha vantajen bo’ot ba TL  Presiza diskusaun klean antes sai membru

Liu hosi aprezentasaun relatoriu Asembleia Parlamentar Aziátika (APA) iha Parlamentu Nasionál (PN) Tersa (12/02/2019), deputadu Mariano Asanami Sabino nu’udar reprezentante ba programa ne’e hateten, iha vantajen barak, bainhira Timor-Leste (TL) hola parte iha organizasaun ne’e, maibé iha mós dezvantajen tanba sei hada’et ba Orsamentu Jeral Estadu (OJE) kada tinan nian.

Asanamai Sabino esklarese, objetivu husi APA ne’e, atu promove justisa sosial, seguransa no amizade, hodi alkansa objetivu asembleia nian.

Tuir Asanami, objetivu seluk husi APA ne’e mak, atu kompartilla koñesimentu, atulizada iha área oi-oin, ne’ebé mak membru sira iha, inklui atu esplora rekursu humanus, rekursu naturais no asegura interese membru sira nian, inklui, fornesimentu instalasoens, ben estar ba saúde, no nutrisaun populasaun husi nasaun membru nian.

“ Haree mós vantajen bo’ot, bainhira kuandu Timor-Leste sai membru APA, ida mak Timor-Leste bele utiliza órgaun ida ne’e hala’o diplomasia Parlamentar,  hodi defende interese nasionál TL nian, no fahe mós informasaun progresu dezenvolvimentu ne’ebé ita iha. Vantajen seluk mak, liu husi instrumentu ida ne’e, ita bele sai nu’udar diplomasia, oinsa promove rai laran, inklui dada investimentu exterior mai ita-nia rain, tanba iha enkontru ne’e,   komisaun oi-oin ne’ebé mak la’os de’it polítikus, maibé iha mós setór privadu”,relata Asanami.

Prezidente Partidu Demokrátiku ne’e afirma, Timor-Leste sei sai mós ezemplu ba valores demokrásia, liu-liu oinsa implementasaun rekonsiliasaun, hafoin hasoru funu durante tinan 24, ba nasaun membru seluk, liu-liu nasaun hirak ne’ebé sei iha problema internal no external, bainhira hola parte iha organizasaun APA ne’e.

Asanami esplika, lisaun ne’ebé hatúr Timor-Leste iha APA mak, la’os de’it atu aprende, maibé sai mós lisaun, tanba vantajen seluk ne’ebé iha mak, Timor-Leste bele partisipa mós iha rezolusaun konflitu APA nian, ne’ebé bele halo TL sai ativu liutan iha problema sira seluk.

Lee hotu :   Prizoneirus 717 sei partisipa EA

“Dez-vantajen mak, ita prezisa estabelese grupu Parlamentar ida, sei tau matan bai da ne’e, entaun bele da’et ba OJE, maibé ita bele haree husi utilizasaun orsamentu ne’e, membru sira kontribui, maibé ita mós iha vantajen bainhira lidera fali komisaun sira ne’e. Osan ne’e utiliza fali ba enkontru regular, nomós komisoens ne’ebé APA iha, tanba bainhira ita mak organiza, ema husi liur sei mai, hatene ita-nia rai no área turizmu”,esplika Mariano Asanami.

Alende ne’e, deputadu bankada FRETILIN, Joaquim dos Santos sente dúvidas ho programa APA nian, tanba ne’e, reprezentante povu ne’e sujere, atu iha konvokasaun disksaun ida klean ho parte kompetente sira hanesan, Ministériu Negosius Estranjeirus no Kooperasaun (MNEK), antes sai membru permanente ba APA nian.

“Ha’u kontinua ejize ba PN, antes sai membru permanente, ita tenke loke debate ida espesífiku iha PN, hodi diskute kona ba ninia dezvantajen, tanba ita rai ki’ik oan tama iha kampu ida luan tebes, ita hanesan nehek oan ida. Buat ne’ebé iha relatóriu iha, mesak di’ak de’it, maibé ita tenki diskute lai ba futuru longu prazu, inklui lingua ne’e mós Inglesh ho Arabia mak lian ofisial, sei iha asuntu seluk presiza diskute. Vantajen sempre iha, maibé presiza diskuti uluk, antes sai membru”, relata Joaquim dos Santos.

Partisipa iha Asembleia Parlamentar Asiátika (APA) ne’e, nasaun membru permanente 42 no observador nasaun 16, inklui Timor-Leste rasik reprezenta husi deputadu Mariano Asanami Sabino, ho deputada Maria Teresinha Viegas nu’udar xefi delegasaun. Asembleia ne’e rasik hala’o iha fulan Outubru tinan 2018.say

Add to Comments Here!!!!

error: Content is protected.
Secured By miniOrange
You might also like:
Deskonfia hana Teo ho rama ambon, PNTL kaptura membru PSHT na’in 8

PNTL Munisípiu Díli kaptura  suspeitu  nain...

MOP kria ekipa Task Force atende komunidade afeta husi dezastre natural

Vise Ministru Obras Publikas, Nicolau L.F....

SEAACLN sei estabelese monumentu ba eroi ne’ebé seidauk hetan nia ruin

Secretário Estado Assuntos Antigos Combatentes Libertação...

Close