JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kestiona auto-estrada Suai laiha kualidade ■Samuel Marçal: ADN rekoñese

PN kestiona auto-estrada Suai laiha kualidade ■Samuel Marçal: ADN rekoñese

Komisaun D Parlamentu Nasionál (PN), asuntu ekonomia no dezenvolvimentu, preokupa ho kondisaun estrada sira ne’ebé monu iha tempu udan, liu-liu auto- estrada Suai, hodi difikulta povu atu halo movimentu ba- mai.

Deputada Virgina Ana Belo, husi bankada CNRT, hateten, situasaun ida ne’e akontese tanba rai monu.

Virgina Ana Belo mós hato’o nia preokupasaun kona ba rai halai ne’ebé akontese iha auto estrada Covalima, bainhira halo audiénsia publik ho Ajensia Dezenvolvimentu Nasionál (ADN) iha PN Sesta (22/02/2019).

“Estrada ne’ebé agora dadaun parte balun nia kondisaun ladi’ak, tanba rai monu hodi estraga tiha. Ha’u hatene katak, ida ne’e sei iha responsabilidade ba kompañia ne’ebé kaer projetu ne’e. Bele esplika to’ok mai ami, tanba sa mak situasaun ne’e akontese?, ita bo’ot (ADN) mak halo verifikasaun no responsabiliza ba obra ida ne’e”, kestiona deputada CNRT, Virgina Ana Belo, liu husi audiensia publiku refere.

Hatan ba preokupasaun ne’e, Diretor Jerál ADN, Samuel Marçal hateten, ADN halo ona meius barak, hodi garante kualidade ba projetu, maibé situasaun agora ne’e dezastre naturais.

“Ida ne’e nu’udar mós preokupasuan ADN nian dezde uluk kedan, uluk ha’u halo tátika ida, se mak halo kualidade di’ak, entaun tinan oin nia sei hetan tan projetu ida, ho hanoin ida atu halo kapasitasaun ba sira, maibé buat ne’ebé akontese, sira hotu halai ba rai sorin, tanba ita ezije nia kualidade ne’ebé ita seidauk bele kompete hanesan ho rai liur, depois ne’e ami muda tiha polítika ne’e”, relata Samuel Marçal.

Samuel esplika, kompañia barak sempre utiliza ema estranjeiru hodi ezekuta obra, tanba Estadu ezije kualidade, au mezmu tempu ezije lalais.

Lee hotu :   Xanana Gusmão: “La’os hau mak halo relatoriu FM”

“Ne’e mentalidade, liu-liu projetu bo’ot, ita hakarak aselera ho ezekusaun lalais, depois ejize kualidade, entaun akontesimentu mak hanesan ne’e, sira  (kompañia) prefere uza nia ema husi liur para lalais, ita-nia ema sira ita labele fó sala, tanba sira iha faze ida foin akompaña sae mai, maibe barak liu ema utiliza ema mai husi estranjeiru”, katak Samuel.

Tuir Diretur Jeral ADN ne’e, akontesimentu rai halai hanesan iha auto estrada Suai, nia parte konsidera  dezastre naturais, tanba ne’e nia sujere atu labele fó kulpa ba kualidade ka estudu viabilidade.

“ Tuir lolos ne’e labele dehan laiha kualidade, tanba ne’e akontese impaktu dezastre naturais ida, ne’ebé ita la hanoin to’o iha ne’eba, maibé la’os tanba laiha estudu viabilidade la’e, depois ami halo investigasaun, iha leten to’o kraik, 15 ou 17 metros ba kraik, iha mota bo’ot ida iha kraik, entaun kuandu udan ona, tanba iha leten pankada ateru ne’e todan, entaun komesa tun halo rai ne’e halai. Kompaña ne’e agora sei iha retensaun nia laran, prosesu hela, maibé ne’e tenki hasai tiha hotu, tenki desvia tiha lai mota ne’e, para haree didi’ak kestaun iha kraik ne’e, depois mak bele hadia, tanba presiza tempu oituan, ne’e asuntu ida risku liu, maibé ha’u presiza informa atu ita hotu bele apár ho situasun ne’e”, esplika Samuel Marçal.

Antes ne’e, Prezidente Komisaun E, asuntu infra-estrutura, Abel Pirez deklara, iha tempu badak komisaun E Parlamentar sei halo fizkalizasaun ba konstrusaun sira ne’ebé fó rizku ba mobilizasaun transporte sira ba Munisípiu hotu.say

 

Add to Comments Here!!!!

error: Content is protected.
Secured By miniOrange
You might also like:
DIA 25/02/19 || GMNTV LIVE STREAM || DADER KMANEK

DIA 24/02/19 || GMNTV LIVE STREAM || JORNAL NASIONAL KALAN

DIA 24/02/19 || GMNTV LIVE STREAM || JORNAL AS 12

Close