JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kontinua kestiona negósiu ki’ik okupa husi estranjeiru

PN kontinua kestiona negósiu ki’ik okupa husi estranjeiru

Deputadu bankada FRETILIN iha Parlamentu Nasionál (PN) kontinua kestiona tanba sidadaun estranjeiru okupa hotu negosiu ki’ik sira hanesan kíos no negosiu ambulante sira.

“Ita nia merkadu sira agora ne’e ema okupa hotu, ita maluk sira Timór oan sira ne’e mós tenke foti ain ona ba fali fatin seluk, tanba ema estranjeiru okupa tomak, Ita nia komersiante sira agora atu halai hotu ona, tanba ita nakonu fali ho ema seluk, Uluk ita ko’alia ba malu katak atu halo investimentu, ema (estranjeiru) mai ne’e halo investimentu, maibe la’os halo investimentu fali ba estabelesimentu ka kestoens boboot sira, mai halo investimentu fali ba kíos mós sira halo, alfaiati iha fatin ki’ik oan sira ne’e mós sira halo, vendedores ambulante mós sira halo,

“Ita halo exportasaun traballadores, aumezmu tempu ita halo importasaun traballadores mós, oinsa mak buat sira ne’e bele sai di’ak,”kontinua dehan.

“Ita halo exportasaun traballadores para reseitas osan sira ne’e bele mai barak, maibe ita mós halo importasaun traballadores, entaun reseitas ida sira haruka mai ne’e, sira ida tama mai ita nia rai ne’e lori fali ba sira nia rai liur,” ”hateten deputadu opozisaun David Dias Mandati iha PN semana ne’e.

Tuir Mandati, ema estranjeiru lori hikas osan ba estanjeiru no Timor kontinua depende ba aihan importasaun, tanba laiha produsaun rasik.

“Buat sira ne’e akontese tanba ita laiha produsaun, ita nia dependensia ba produsaun ema rai liur nian mós maka’as, fós  de’it mai husi liur, fós importadu, apezar ita nia produsaun iha,

Maibe tan saida mak ema mós halai hotu mai hotu Dili, tanba ita nia infraestrutura la la’o, ita ba kareta sira doko ita, ita mai fali Dili, kareta tama ofisina, ema tama óspital,

Lee hotu :   AMP sei hametin administrasaun públika

Sidade Dili de’it, ita haree to’ok jardim públiku sira ne’e, uluk hau dehan ona atu hadi’a,

Tanba Ró turizmu nian mai dala hira tiha ona, turista sira barak tama, maibe ita nia rai ne’e hanesan ne’e hela de’it, dalaruma la atrativu, depois kona-bá seguransa, karik mak buat ruma akontese ba sira (turista) ema lamai kedan, mak ita nia turizmu sei mate,

Depois kona-bá ita nia lokais turizmu, hanesan iha nunsia apostólika roma nia iha praia dos Coqueirus nian ne’e haree tau atensaun ona, tanba bainhira ema tun ho aviaun ema haree uluk mak ida ne’ebá, hanesan fali bairru de latas,

Inklui ita taxi sira ne’e, haree hadia, ita nia autocarro sira ne’e haree hmais atrativu, para dada ema estranjeiru mai,”dehan Mandati.

Hatan ba kestaun ne’e, reprezetante governu atual sekretariu estadu komunikasaun sosial, Mericio Juvinal dos Reis Akara hateten, governu liuhosi SEFOPE kontinua servisu maka’as atu minimiza dezempregu iha Timór-Leste, inklui iha meius seluk mós hodi loke kampu de taballu.

 “Kona-bá traballador tuir informasaun katak barakliu iha rai liur, ita nafatin tau atensaun, Ita nia sekretariu estadu SEFOPE mak iha responsabilidade ba ida ne’e, maibe em termu jerál ita nia primeiru ministru haree kondisaun hotu-hotu ita nia realidade, ne’ebé iha opsoens barak mak ita nia governu tenke foti hodi rezolve ita nia problema dezempregu iha rai laran,”dehan nia.

Opsoens polítika balun sempre iha diferensia ideia hodi debate, maibe ita tenke kontente katak ita nia parseiru nasaun sira sempre mós prontu atu hamutuk ho ita, hodi buka solusaun hanesan nasaun Korea, Australia ho seluk-seluktan,

Lee hotu :   Ramos Horta : Remodelasaun bele hadia governasaun AMP

Ida ne’e parte ida polítika governu nia atu resolve problema dezempregu iha rai laran, ne’e lasignifika laiha opsoens seluk, maibe opsoens seluk mak oitavu governu konstitusional hakarak uza tempu barakliu para hahu konsentra nia servisu hodi dezenvolve ita nia área ekonómia, infraestrutura, investimentu iha área produtiva sira seluk,

Para hodi loke kampu de traballu, ida ne’e atu dehan katak VIII Governu konstitusional konsentra hela,”tenik Akara.

Antes ne’e, iha programa oitavu governu nia kompromete atu loke kampu traballu hodi fó servisu ba dezempregu sira, inklui atu kria lei rigorozu ba investidor estranjeiru sira ne’ebé mai investe iha rai laran.Say

 

Add to Comments Here!!!!

error: Content is protected.
Secured By miniOrange
You might also like:
Ramos Horta aprezenta emprezariu famozu ida iha Hongkong ba PM Taur

Eis Prezidente Repúblika, José Ramos Horta,...

Kompañia TSSFD sei fó servisu ba Timor-oan 10.000

Adjuntu Diretór kompañia Internasionál Timor South...

João Almeida: PNTL uza kilat tenke tuir lei

Relasiona ho deklasaun Komandante Polisia Nasional...

Close