JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dionísio Babo: Kontratu embaixada TL iha ONU remata

Dionísio Babo: Kontratu embaixada TL iha ONU remata

Ministru Negósiu Estranjeiru no Kooperasaun (MNEK) Dionísio Babo Soares, klarifika katak, embaixada Timor-Leste (TL) ne’ebé iha Organizasaun Nasoens Unidas (ONU) ne’e la’os taka, maibé kontratu mak remata no dadaun buka fatin seluk hodi hala’o servisu hanesan Embaixada TL nian.

“Foin dadauk ita nia embaixada nia kontratu hotu tiha ona, tuir lolos ita kontinua deit, maibé hotu tiha tenke buka fali fatin seluk. Momentu ne’e akontese que embaixada Amerika iha ne’e hakarak atu dada tan sira nia kontratu iha ne’e como ita fó seidauk rona rezultadu”, deklara Ministru Negósiu Estranjeiru no Koperasaun,Dionísio Babo Soares, ba jornalista sira iha nia kna’ar fatin MNEK, Praia dos Coqueiros, Díli Sesta (12/04/2019).

Dionísio esplika, ita seidauk hetan autorizasaun husi sira nia parte atu bele aluga fatin foun, maibé servisu embaixada nian iha ne’eba dadaun ne’e la’o hela hanesan bai-bain.

“Ita nia Embaixador no mós ita nia diplomata sira servisu nafatin iha fatin kiik oan ida, maibé ita nia Embaixada ida ne’ebé ofisial ne’e taka, tamba buka fali fatin foun, agora sira fó nudi autórizasaun ba ita mas tinan ida deit, agora autórizasaun tinan ida ne’e ita lori ba aluga uma iha ne’eba ema sira uma nain ne’e lakohi simu minimal aprova ne’e tinan hitu so tinan hitu mak sira bele fó fatin”,klarifika Dionísio Babo.

Governante ne’e dehan, maske ho kondisaun ne’ebé natón ba diplomata sira, maibé servisu kontinua la’o ho kondisaun ne’ebé mak iha, la’os atu taka.

“Ita rekoñese situasaun sira ne’ebé mak iha, maibé dadaun ne’e sei diskute hela espera katak aprovasaun husi departamentu Estadu Amérika nian kuandu aprovasaun ita loke kedas ita nia embaixada foun iha ne’eba,”tenik Dionísio Babo.

Lee hotu :   PR Lú Olo: Ha’u asumi knaar tuir konstituisaun

Ministru Negósiu Estranjeiru no Koperasaun hatutan, maske embaixada iha ONU kontratu remata ona, maibé servisu embaixada nian iha ONU la’o diak hela hanesan bai-bain. Aes

Add to Comments Here!!!!

error: Content is protected.
Secured By miniOrange
You might also like:
Faustino da Costa: Membru Polísia komete kazu pekulatu no korupsaun sei lá tolera

Komandante Jerál Polísia Nasionál Timor-Leste (PNTL)...

PM Taur orienta GASS halo selesaun ba proposta ONG ho rigorozu

Primeiru Ministru (PM),  Taur Matan Ruak,...

Marí Alkatiri: Tinan 10 resin ona, povu kontinua halerik ba infraestrutura báziku

Prezidente Rejiaun Administrativu Espesial Oecusse Ambeno...

Close