JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Nasaun 20 husi g7+ konsidera instabilidade la fó espasu ba dezenvolvimentu

Nasaun 20 husi g7+ konsidera instabilidade la fó espasu ba dezenvolvimentu

Enkontru interministerial husi nasaun 20 ne’ebé hamahon-an iha organizasaun g7+  ne’ebé hala’o iha Lisbóa- Portugal, Kinta (27/6/19), hodi koalia kona-ba seguransa no instabilidade ne’ebé sai fator hodi la fó espasu  ba prosesu dezenvolvimentu iha ida-idak nia rain rasik la la’o ho diak.

Tanba ne’e, organizasaun g7+ realiza programa ne’e hodi halibur membru g7+ atu fo hanoin ba malu buka dalan di’ak atu haluha tiha konflitu no promove estabilidade no paz nune’e bele alkansa dezenvolvimentu iha rekursu naturais no kapital umanu. Tanba ne’e, atu hametin ekonomia sai forti liu tan  iha nasaun frájil sira organizasaun g7+  husu atu líder sira  husi membru g7+  onestu hodi kria estabilidade no paz  antes   hetan  atensaun  husi komunidade internasionál sira.

Reporter GMN, Titi Livio, husi Portugal hato’o reportajen katak, assuntu ne’e sai sesaun importante iha enkontru interministerial organizasaun g7+ ba da-lima.

organizasaun g7+ iha ninia motto katak, haluha tiha konflitu no  benvindu ba dezenvolvimentu, signifika husi motto ne’e rasik, motiva no fanun nasaun ida-idak hodi harii paz no unidade nune’e bele hapara esploradór sira laiha honestu ne’ebé sempre invade direitu  nasaun kiik sira  liu husi explorasaun ba rekursu  naturais ne’ebé mak iha.

“Ne’e atu inspira membru sira seluk atu bele kontribui hodi fila fali ba sira-nia rain atu sira mos kontribui atu oitoan ka barak sira tenki iha, segundu atu konsolida mos g7+ para atu bele aplika ba sai membru estatutu observador Nasoens Unidas nian komesa Jullu to’o Dezembru ba oin, terseiru atu bolu atensaun ba komunidade internasional katak imi hakarak atu mai ajuda país frájil sira tenki rona sira-nia líder, rona sira-nia aspirasaun, suporta husi kotuk, labele hanesan imi mak mai influensia ka imi mak mai impoin imi-nia kondisinalidade, ida ne’e labele”,deklara Sekretáriu Jeral g7+ Helder da Costa, hafoin remata enkontru iha Portugal.

Lee hotu :   Orsamentu SEAK hatún ba millaun USD 2

Líder espesial hanesan mós pessoa eminente g7+,  Kay Rala Xanana Gusmão, deklara iha sesaun abertura enkontru interministerial ne’e katak, fo hanoin  ba partispante sira atu hapara konflitu iha nasaun frájil sira no focu deit ba aspetu  dezenvolvementu.

“Hapara konflitu diak liu, saida mak akontese halo triste kadavez notísia fo sai kona ba funu, kona ba konflitu no violénsia rezulta sakrifisiu no vida, nune’e mos sofrimentu labarik sira, feto no mane iha yeman, sudão do sul, somalia, iha repúblika sentral afrikana, no seluk tan”,deklara Xanana Gusmão, ho oin triste iha partispante sira nia oin.

Pesoa eminante ne’e husu atu  husik tiha konflitu  no hakat ba dejenvolvementu tan biar rai kik no kiak maibe moris ho   dignidade  iha ne’ebé dezenvolve  nasaun no povu mak importante liu.

Hafoin remata enkontru ba sesaun inkontru inministerial Kay Rala Xanana Gusmão, tara tais ba reprezentante membru g7+ hanesan sinal lasu amizade entre amigu hodi hametin diak liu tan relasaun iha família  bo’ot organizasaun g7+  nian.

G7+ hanesan organizasaun ne’ebé halibur nasaun kiik no kiak sira hamtuk rua nolu ne’ebé durante ne’e  sai  baze ba konflitus  no sai fatin esplorasaun husi  nasaun bo’ot sira hodi viola sira nia direitu.

Enkontru nivel altu ne’e hetan partispasaun husi líder nivel alto  sira membru parlamentu sosidade sivíl no entidade sira seluk.*****

Add to Comments Here!!!!

error: Content is protected.
Secured By miniOrange
You might also like:
DIA 27/06/19 || GMNTV LIVE STREAM || JORNAL NASIONAL KALAN

DIA 28/06/19 || GMNTV LIVE STREAM || DADER KMANEK

DIA 27/06/19 || GMNTV LIVE STREAM || GRANDE ENTREVISTA

Close