JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Marí Alkatiri: Ha’u sei hakerek karta ba líder nasionál sira

Marí Alkatiri: Ha’u sei hakerek karta ba líder nasionál sira

Líder Nasionál, Marí Alkatiri, hateten, nia parte sei hakerek karta ba líder nasionál sira liu-liu líder husi tinan 1974, 1975, semana ida antes nia mandatu Prezidente Autoridade Rejiaun Administrativa Espesiál Oé-Cusse Ambeno (RAEOA) no Zona Espesiál Ekonómia Sosial  Merkadu (ZEESM) remata iha loron 30, fulan Jullu, tinan ne’e.

“Ha’u la hatene bainhira mak irmaun Xanana atu mai, ha’u la hatene, ha’u rona dehan aban, bainrua ha’u la hatene lós. Maibe ne’e mandatu ha’u simu ona husi Comite Central FRETILIN para atu kontakta ho líder hotu-hotu, liu-liu sira líder 1974, 1975, ho líder tinan oitenta ninian. Ha’u hanoin semana oin ne’e, ha’u komesa ona hakerek ba líder sira”, Prezidente RAEOA-ZEESM, Marí Alkatiri, hato’o asuntu ne’e ba JN-Semanário Kinta (04/07/2019) hafoin partisipa programa grande entrevista espesial iha estudio 2, GMN TV, Bebora-Díli.

Alkatiri sei halo fali servisu partidu

Aual Prezidente Autoridade Rejiaun Administrativa Espesiál Oé-Cusse Ambeno (RAEOA) no Zona Espesiál Ekonomia Sosial  Merkadu (ZEESM), Marí Alkatiri afirma, nia sei fila mai Díli hafoin mandatu remata iha loron 30 fulan Jullu tinan 2019 ne’e núdar Prezidente Autoridade RAEOA-ZEESM, hodi tun fali ba Munisípiu hotu ba hala’o fila-fali servisu partidu FRETILIN nian núdar opozisaun.

“Bom! Ha’u nia mandatu remata, remata duni, e agora se mak atu ba iha ne’eba ha’u seidauk hatene, tanba ne’e ha’u labele espekula se mak atu ba iha ne’ebá. Agora ha’u fila mai Díli, naturalmente que ha’u tun ba munisípiu hotu-hotu, ne’e ba halo servisu partidu halo opozisaun, e ne’e ha’u nia programa mak ida ne’e”,reafirma Marí Alkatiri.

Líder nasionál no fundadór Estadu Timor-Leste ne’e hateten, hafoin mandatu remata iha loron 30 fulan ne’e no iha loron 31 nia sei fila hikas mai Díli, maske nia rasik seidauk hatene se mak atu subtitui nia.

Lee hotu :   FRETILIN husu Governu klarifika projetu planta LNG

” Mandatu hotu iha dia 30, naturalmente que dia 31 ha’u iha Díli ona, biar sei nafatin iha ZEESM nia office mas iha Díli ona hein to’o nomeasaun foun”, dehan Marí Alkatiri.

Antes mandatu atu remata, iha loron 24 fulan Maiu tinan ne’e, Mari Alkatiri lansa ona planu estratejiku dezenvolvimentu RAEOA-ZEESM ba tinan 2019 to’o 2023. Ito

Add to Comments Here!!!!

error: Content is protected.
Secured By miniOrange
You might also like:
DIA 05/07/19 || GMNTV LIVE STREAM || JORNAL NASIONAL KALAN

DIA 05/07/19 || GMNTV LIVE STREAM || JORNAL AS 12

DIA 05/07/19 || GMNTV LIVE STREAM || DADER KMANEK

Close