JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Arão Noe: Pedidu viajen Prezidente Repúblika kabe ba desizaun plenária

Arão Noe: Pedidu viajen Prezidente Repúblika kabe ba desizaun plenária

Prezidente Parlamentu Nasionál (PN), Arão Noe de Jesus Amaral, hatete, nia hanesan porta voz no la’os desidi mesak viajen Prezidente Repúblika (PR), Francisco Guterres Lú Olo, nian ba rai liur. Tanba desizaun sira hanesan ne’e tenki kabe ba plenária.

“Ha’u hakarak dehan katak prezidente parlamentu nasionál hanesan porta voz, desizaun ne’e kompotensia plenária nian, tanba ne’e ha’u labele komenta desizaun saida mak atu foti, maibe ida ne’e mandatu konstituisaun nian katak sua exelensia prezidente da repúblika atu dezloka karik tenke pedidu ba asentimentu parlamentu nian, agora prosesu mak ne’e parlamentu bele ezerse nia kompetensia mas aoturiza ka lae, ne’e desizaun plenária ninian no la’os prezidente parlamentu nian.  Ha’u lakohi koalia konaba kontextu desizaun plenária nian ne’e, ita husik idak-idak iha nia fatin, hanesan prezidente parlamentu nasionál ha’u mai relata aktividades, ba desizaun husik ba plenária mak sei desidi”, Prezidente PN, Arão Noe de Jesus Amaral, hatoo asuntu ne’e hafoin sorumutu ho Xefe Estadu, Francisco Guterres Lú Olo, iha Palásiu Prezidensiál Bairo Pite, Díli, Kuarta (25/09/2019).

Líder órgaun lejislativa ne’e haktuir, durante enkontru semanal ne’e nia informa kona-ba parlamentu nasionál ajenda ona iha loron 30 fulan Setembru ne’e sei halo apresiasaun ba pedidu viajen prezidente repúblika ba Jakarta-Indonézia no Japaun. Maibe atu aprova ka lae pedidu viajen Xefe Estadu Timor-Leste nian ne’e, kabe ba desizaun plenária no la’os desizaun prezidente parlamentu nasionál nian, maibe prezidente parlamentu sai deit porta voz hodi lidera no jere prosesu plenária.

Antes ne’e sosiedade sivíl no estudante inklui públiku sira mós preokupadu ho  desizaun Parlamentu Nasional nian, hodi kansela viajen Prezidente Repúblika nian ba rai liur, no Parlamentu Nasional halo ona kanselamentu Xefe Estadu atu ba rai liur ne’e dala 5 ona. Maibe Parlamentu Nasional mos antes ne’e deklara ona katak, sira insisti kansela viajen PR Lú Olo nian ba rai liur atu hatete ba PR katak, problema iha rai-laran nia seidauk rezolve hanesan la fó pose ba membru Governu nain sia, la fó pose ba embaixadór sira, la presiza ba rai-liur to’o rezolve tiha problema hirak ne’e mak PR bele sai ba rai-liur, nune’e ema seluk bele reprezenta deit xefe Estadu ba koalia iha asembleia jeral ONU.Ito

Lee hotu :   PN husu governu redus asesór iha ministériu  MF rejeita informasaun husi deputadu

Add to Comments Here!!!!

error: Content is protected.
Secured By miniOrange
You might also like:
Dia 24/09/2019 || GMNTV LIVE STREAM || JORNAL NASIONAL KALAN

Dia 24/09/2019 || GMNTV LIVE STREAM || JORNAL AS 12

MEJD sei halo adenda foun ho Embaixada Portugal

Ministra Edukasaun Juventude no Desportu (MEJD),...

Close